ZKIZ Archives


邱達昌:特朗普難相處

1 : GS(14)@2016-11-25 07:11:01

【明報專訊】由商人出戰政圈,並且獲選做下屆美國總統嘅特朗普明年初上任。當年唔少同特朗普合作過嘅港商,最後都留下牙齒印,有份同特朗普對簿公堂嘅遠東發展(0035)「老虎仔」邱達昌就依然唔俾面,話特朗普份人唔好相與,不過佢覺得在商言商,相信佢唔會亂嚟搞搞震喎。

在商言商 政策難輕舉妄動

當年同特朗普一齊喺美國曼哈頓投資,最後不歡而散嘅一批港商入面,「帶頭大哥」彤叔鄭裕彤早已仙遊;另一重要人物上海姑爺羅康瑞,之前仲死唔信特朗普會當選;至於老虎仔邱達昌就淡然得多,佢形容特朗普份人唔易相處,但勝在係一個商人,始終會明白營商之道「識得做」,斷估唔會似其他政客咁固執,亂推政策輕舉妄動喎。佢又話,特朗普近期揀嘅班底唔錯,搵到啲治國人才,相信正式做總統時應該無大家想像中咁差。即使特朗普同老虎仔佢地曾經打過官司,話曼哈頓幅地轉售價平咗,但係老虎仔笑笑口話,呢單刁各方都有錢賺,唔擔心對方記仇喎。

email: piano@mingpao.com

[小琴密語]


來源: http://www.mpfinance.com/fin/dai ... 8846&issue=20161125
邱達 達昌 特朗普 特朗 相處
PermaLink: https://articles.zkiz.com/?id=316878

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019