借殼傳被飛 萬達﹕單方炒作
1 :
GS(14)@2016-11-23 07:38:16【明報專訊】已經退出香港嘅萬達集團回歸A股竟然「衰咗」，前晚內地上市嘅綿石投資出通告，話佢哋原本打算借殼畀萬達，但係經過雙方「反覆討論協商」都未能夠達成一致意見，惟有終止合作。
稱與對方無正式傾過
消息一出，公司噚日立即升停板。不過萬達發聲明，話綿石只係透過中間人主動搵萬達，雙方只不過初步接觸，都冇正式傾過，仲指摘綿石擅自發布「終止萬達商業重組」通告係「單方炒作」喎！
咁究竟係「反覆討論」定「初步接觸」呢？綿石嗰邊又好快回應萬達聲明，話確實有傾過借殼，而且9月以來就一直同萬達有溝通，仲講明有需要會再發公告