中環在線：招行逆市獎勵馬蔚華最大份 李華華
2008-11-10 AppleDaily
全 球銀行股重創，有阿爺後台嘅中資六行亦血流成河。即使招行（3968）上月尾出埋盈喜贈興，話頭三季盈利按年增長九成，但今年股價照舊插水近六成，成為六 行跌幅之冠。唉，都係招行超高價收購永隆（096）累事囉。不過，招行早兩日舉行董事會議，通過第二期H股股票增值激勵計劃。
超筍價益高層
呢 個股票增值激勵計劃，喺零反對或棄權下，向招行9名高層派132萬股H股股票增值權，行使價為上個禮拜五收市價12.76蚊，有效期10年，頭兩年禁售。 當中行長馬蔚華分到最大份，攞到30萬份股票增值權，其餘5名副行長就各自分到15萬份。雖然話呢批股票增值權要等到升高過12.76蚊行使價先有錢賺， 但家吓招行股價跌至06年上市以嚟低位，等反彈冇難度啫，董事會都算超筍價益班高層。