魚樂無窮：邊隻地產股值博
1 :
GS(14)@2016-11-08 05:40:35政府再出招樓市，地產股插到七個一皮，從炒股角度出發卻非壞事，因為機會是跌出來的。撈底首選長實地產（1113），頻頻傳出賣產消息，加上講明會轉型，受辣招影響程度最低，怕接貨嘅戰友，不妨用期權Short Put入市，增加靈活度，即月行使價50蚊期權金有5毫幾子，回報率超過1厘，有一定吸引力。細價股方面可留意新昌管理（2340），去年9月曾洽商賣盤，三扒兩撥炒上兩蚊樓上，可惜最後鎩羽而歸，股價亦打回原形。不過，集團最近再見異動，原因有兩個︰第一，公司宣佈擬出售室內裝飾及特殊項目業務51%股權，總代價1.79億銀，需知道該業務錄得中期溢利1,703萬銀，佔比超過六成，如此割愛難免惹來淨身憧憬。第二，近日有批大貨（48.59%股權）由實名持有存入至金利豐證券，數量與大股東新昌（404）持股幾近相同，如此勞師動眾搬倉，係咪好事近？自己加點想像力吧。客觀事實係，轉倉後股價連爆兩日，逼近今年高位後，只要有消息配合，破旗再上只係時間問題。現價最新市值5億銀，較上次賣盤高位平三成，to bet or not to bet，自己計數吧。唐牛
http://www.fb.com/tongcow88本欄逢周二、四刊出
來源:
http://hk.apple.nextmedia.com/financeestate/art/20161108/19825952