郭富城車房收藏近億玩具沈嘉偉轉玩古董車
1 :
GS(14)@2016-11-06 15:49:09余文樂近年買跑車，幾乎架架過百萬，佢老友郭富城、沈嘉偉，身家雄厚啲，玩車資歷又耐啲，當然買嘅跑車級數都唔同啲！好似郭富城，6月嗰陣，佢喺上海賽車場就接收咗1部法拉利，全球限量32架，身價係220萬歐元，即係港幣2,000萬，而呢架車，除咗身價高人一等外，亦要車廠覺得你係全球最尊貴嘅法拉利車主，先至會俾你買。嗱！呢啲咪係身份象徵囉！買跑車如買玩具嘅城城，兩年前49歲生日，就豪花一千萬元，買入全新限量版林寶堅尼Aventador LP700-4 Roadster作為生日禮物。車廠仲特別為「新城嫂」調製顏色「Aaron color tone」成為城城嘅專屬顏色。再加埋城城之前買嘅「幽靈之子」跑車、Audi R8 GT Spyder、波子、其他型號嘅法拉利同林保堅尼跑車，城城個車房，分分鐘有過億玩具。至於余文樂另一老友沈嘉偉，同樣愛車如命，除咗同樣擁有多架林寶堅尼同法拉利，近排沈老闆就轉轉口味，成日去專賣二手classic款古董跑車嘅車行打躉！架架車都有來頭，難怪幾兄弟去親打邊爐，門口都十足名車展咁啦！
來源:
http://hk.apple.nextmedia.com/entertainment/art/20161106/19824496