|
||||||
夫妻檔做生意可以是雙劍合璧，互 補不足，但也容易因生意日生齟齬，無法抽身，終成陌路人。明茶房屬後者。麥惠蘭（Vivian，四十五歲）和前夫關仲良（Leo）於九九年創辦明茶房，將 中國茶重新包裝，走中高檔路線，生意滔滔，更揚威海外，獲選入○二年奧斯卡的官方禮品包。○五年，夫婦豪擲三百萬在灣仔星街開鋪，引來不少海內外傳媒採 訪。風頭一時無兩，背後卻危機四伏。投資太大，周轉不靈，夫婦間更出現第三者，最後生意、婚姻皆失敗收場。○八年，離婚後的Vivian，痛定思痛，在太 古工廠大廈重建明茶房，繼續賣茶，並開班教人品茶知識，重新上路，活出「寵辱不驚，閒看門前花開花落」的茶人風骨。 第一次見面，民族打扮的Vivian沏好茶，輕輕呷了一口茶後，突然道：「講賣茶，我可以話係搞到『家破人亡』。」記者一臉愕然，Vivian苦笑着嘆了 口氣。故事要由她和丈夫的結合說起。Vivian的前夫Leo是她的中學藝術老師，比她大九歲。女方中六時，二人不理世俗眼光相戀，後更一同前往美國深造 藝術設計，三年後，回港結婚生仔。夫婦先開設廣告公司，再轉行賣茶，開設明茶房。這盤生意，曾令他們名利雙收，最後卻也成為離婚的導火線。○八年是 Vivian生命中最黑暗的一年，生意周轉不靈，自己患上重病，丈夫Leo卻戀上公司一名女職員。「我一直努力鋪紅氈俾佢行，俾佢做主角，但最後我連佢 『背後女人』呢個稱號都配唔上。」Vivian黯然道。記者找到曾經同她並肩創業的前夫Leo，將明茶房的前世今生，呈現出來。 風光‧並肩 九九年，Vivian和Leo有感廣告公司的自我發揮空間不大，萌生轉行念頭。「 Leo曾幫朋友成立『邀月』茶館，我哋又鍾意飲茶，便想試吓做茶。」Vivian憶述，夫婦決定做自家品牌的茶，Leo花了兩年時間，在內地福建、潮州等 地茶莊，和茶農打關係兼學茶，向其直接入貨。二人有設計及廣告底子，包辦品牌形象及包裝。傳統茶莊給人高高在上之感，明茶房決定走簡約﹑親民的中高檔路 線。鋁罐上的包裝紙，以中英文列明茶的出產時間、地點、味道﹑成分，以及沖泡方法。「我敢話我哋係第一個咁做，針對有要求﹑鍾意自己揀嘢嘅中產客。」 Vivian驕傲道。 揚威奧斯卡 公司初期主力做外銷，不時周遊列國，參加食品展，憑着獨特的茶包設計，在二千年的巴黎食品展奪得「最佳流行及創新產品獎」，「香港人崇洋，對放洋返來嘅來 路貨都加以朝拜。」Vivian說，○一年，公司反攻本地零售市場。她用外國的獎項作籌碼，聯絡本地的高級超市，成功在金鐘太古廣場的Great上架。 「Leo好叻，設計咗個電腦互動程式，俾顧客睇住來揀。好多外國人都會行Great，其中瑞士百貨公司Globus及英國Selfridges嘅買家就係 咁搵上門，同我哋攞貨。」Vivian說。幸運的，其中一名顧客是澳洲領事館領事，亦是Leo曾任職的公關公司的創意總監，穿針引線，明茶房的桂花香單欉 （音﹕從）茶葉，獲選入七十四屆奧斯卡的嘉賓紀念禮物籃的禮品之一，是奧斯卡成立以來首個入選的中國品牌。○三年，Great邀請明茶房在食坊設立茶吧。 Vivian每天朝十晚十，親自落場泡茶，一杯賣約三十元。「客人以外國人及中產為主，茶吧初初每月得千零蚊生意，一年後已有十幾廿萬。」○五年，太古發 展灣仔星街，邀請明茶房進駐，開業六年終於有地鋪，兩夫婦十分雀躍，但如今Vivian只能嘆一句﹕「唉，星街開鋪可以話係我嘅詛咒。」 結業‧離婚 「茶吧嘅成功令我哋信心大增，準備發大來做。星街間鋪，單係裝修就用咗二百萬。」Vivian說，星街地鋪分上下兩層，面積約一千六百呎，賣茶之餘亦做小 食。設有廚房，更請了名外國廚師。「Leo係藝術家性格，裝修材料要最靚，廚房用具要名牌，我哋吵過好多次，因為開鋪嘅錢好多係我問媽咪借嘅。」 Vivian輕聲剖白心底話﹕「父母一直反對我同老師一齊，所以我想搞好明茶房，令父母睇到Leo有一番事業，接受佢多啲。」 天堂跌入地獄 重金開鋪，生意卻沒有預期的好。「裝修得太靚，無茶吧咁親民。廚師用嘅都係貴價食材，無客來，浪費晒。」Vivian解釋，投資太大，月租要五萬多元，公 司不久即周轉不靈，「試過出糧俾員工都有問題。」不過，最大打擊是，Vivian發現患上子宮肌瘤，在最需要丈夫陪伴的時候，發現Leo和其中一個年輕女 職員有染。「我嬲到三個星期唔開鋪，那時大約係○六年底。」Vivian說時仍帶怒氣，她自言性格倔強好勝，「唔想盤生意死」，於是展開一系列推廣活動， 包括品茶工作坊、出席大企業宣傳活動及茶與食物配搭班等。「呢個時候，Leo卻想賣咗明茶，仲公開財政數據。我覺得佢想喺婚姻同生意上一併踢我出局。」 Vivian氣道，經過一輪拉鋸，最後太古拒絕續約，店鋪結業收場。「佢見我同老公合作有問題，盤數又唔靚，咪唔續約，其實最後幾個月，每月營業額都有成 三﹑四十萬，俾多三年時間我，應該可以回本。」Vivian說。不過，Leo卻有另一說法，他無否認有外遇，但卻指是Vivian想踢他出局。「當時明茶 房最大問題係流動資金不足，我先搵投資者注資，唔係想賣盤，咁搵得投資者，就要公布一啲財務數據。」Leo無奈道。二人既是夫婦又是生意拍檔，關係慢慢出 現轉變，原本以丈夫為中心的Vivian變得獨立，「喺做生意過程中，我有自己意見，敢批評，唔再係以前嘅唯命是從。」Vivian坦言。Leo亦表示， 夫婦在公司的角色不清晰，「喺營運上，我好多想法都實行唔到。」最後生意失敗，連婚姻也賠上。 重生‧獨行 Vivian原本租住太古城千三呎單位，離婚後，為節省租金，和兩名兒子，搬至西灣河單幢式舊樓的四百多呎單位。Vivian不捨明茶房，○八年四月將公 司搬至原用作寫字樓的太古工廈單位。「我同前夫打緊離婚官司，自己有病，又要照顧兩個分別十四同七歲嘅仔，第一年見親屋企人都哭，我都唔知自己係點捱過 來。」終於，Vivian得到丈夫明茶房的股份，並用註冊了間新公司，繼續經營明茶房。「重新起步，梗係難。茶農以為我唔識嘢，俾次貨我，一飲就知唔同。 我火滾，撻訂再賠埋運費，成批貨俾番佢，佢先知驚，賣番正貨俾我。」Vivian重新探訪過往合作的茶農，建立關係。另外，Vivian亦再度聯絡各大高 級超市，鋪路做零售。藉着昔日的名氣及人脈，明茶房成功獲Great﹑ThreeSixty等超市向她以買斷形式取貨，現公司八成收入來自零售。位於太古 的寫字樓，部分用作倉庫，Vivian向茶農買茶，再自行包裝。另外，亦在公司開辦品茶班，「明茶房嘅『明』由日月二字組成，象徵智慧，意思係想引人明白 茶嘅真義。」Vivian笑說，她是老闆亦是推銷員。「我面皮厚，周圍cold call大公司，好像在汽車公司或名牌時裝，在其宣傳活動上，泡茶予客人。」Vivian自嘲道：「我哋而家約有三﹑四十種茶，希望專注做好基本茶，毛利 約為六至七成。」試過有熟客在旅遊網站Trip Advisor提及明茶房，公司即多了外國遊客幫襯。經過一番巨變，Vivian的性格有好大改變，做生意亦「無咁大想頭」， 「我好滿意依家嘅生意模式，可以將自己識嘅嘢教俾客人，盈利夠出糧、夠交租，已足夠。」Vivian捧着茶，莞爾道。 開業資料（04/2008） 入貨：$800,000裝修：$150,000租金：$120,000*其他：$30,000總投資：$1,100,000*兩個月按金，一個月上期 營業資料（05/2012） 營業額：$250,000入貨：$80,000人工：$80,000*租金：$40,000雜費：$10,000盈利：$40,000*八個全職人工，不包老闆 前夫回應 因為一盤生意，令一對有三十多年感情的夫妻反目收場，對於妻子的種種指控，Leo聽到後神色凝重，沉默數秒後說：「我唔想對方用自己觀點去睇件事，將責任 拋喺另一方身上。但我唔想再講，明茶房係我嘅brainchild（創作），我都想佢好，希望Vivian生意興隆。」原來Leo離開明茶房後，亦有做進 出口茶生意，「我無好aggressive去搵客，都係靠幾個熟客支持。雖然有用番明茶房嘅茶農，但盡量避免踏足本地零售市場。」除了避免與妻子有正面衝 突，Leo指在香港做茶有一定難度，因為識茶愛茶之人，主要是一小撮中產，如基金經理、律師等。要打開新市場，就要夠噱頭，將茶以現代方式呈現，他更特意 電郵記者有關星巴克在美國開第一間茶室的新聞。另外，作為一個以夫妻檔做生意失敗的過來人，Leo指公私分明最重要，他補充：「無論係唔係夫妻，只要係合 伙做生意，各人職責要用白紙黑字寫清楚，分開時，大家可以拿走啲乜亦要寫清楚。」 | ||||||