近千間中資德國發掘商機
1 :
GS(14)@2016-10-11 08:09:22【本報訊】內地遊客搶購德國奶粉，中資企業亦擬攻德國市場搶灘。法蘭克福市經濟促進局亞洲事務部主管余寶蓮指，於法蘭克福設立網點的中資企業，10年內已升一倍至392間，阿里關聯公司支付寶亦進軍德國，讓內地遊客直接使用手機購物。招商引資是法蘭克福市經濟促進局的主要工作，本身為香港人的余寶蓮指，該局自八十年代起已拓展中國商機，目前全德國約有900間中資企業，單以法蘭克福計，已有392間，比2006年少於200間中資企業，10年後數量已翻倍。
支付寶擬設21萬個試點
「其實德國人係有China heat，知道內地有商機，但又怕copy cat、擔心品質，會諗同我做生意目的係咩？想偷技術定真係投資？」惟余寶蓮指近年中資企業無論規模或質量已明顯提升，企業管治亦看長線，對中資打入德國市場感正面。今年多中資大企攻德，阿里關聯公司支付寶早前與德國支付交易服務商Concardis簽訂合作，將於德國設立21萬個試行點。由香港科大畢業生汪滔創辦、市值過百億美元的航拍機一哥大疆創新（DJI），去年亦於法蘭克福設立歐洲總部，並開設了小型體驗店。「香港慣用八達通嘟機購物，但我哋仲停留緊喺碌信用卡。阿里睇到內地遊客需要，想開通德國手機支付，同時會激發德國本土加快發展」。余寶蓮強調，德國監管仍嚴格，中資「入得嚟就同其他德國公司一樣」，要跟隨相同法規。「比如德國勞工處會要求公司解釋，同一個職位點解唔可以請德國人，驚人工差異會影響本土就業」。此外，內地遊客於德國大手掃貨亦造成民生問題，「最多買保健食品、維他命C，奶粉絕對係首選」。余寶蓮指，雖然德國尚未實施限購，但供應不足的情況常見，「奶粉一上貨幾分鐘就冇晒」，個別超市更有德文告示，指遊客若果要購買4盒以上，須向店員訂購。
來源:
http://hk.apple.nextmedia.com/financeestate/art/20161011/19797086