曾淵滄：樓價貴過去年不出奇
1 :
GS(14)@2016-09-30 08:06:40【本報訊】對於天水圍嘉湖山莊平均呎價突破去年高位，資深財經評論員曾淵滄表示：「貴過舊年，唔出奇！因為中原城市領先指數CCL已經與去年最高位差唔多，中原指數是全面性的，個別地方有高有低，而家有屋苑高過去年高位，唔出奇。」他認為，樓市與息口無關，最主要因素是股市。因為現在與去年高位的息口沒有改變，美國加息，香港無加息，而家樓價回升與息口無關。他重申，2013年至今，樓市兩次下跌後回升，都與息口無關，兩次都因為股市。股市對樓市有影響，去年股市大時代冧落來，樓價咪見頂冧落來，今年股市見底回升，無幾耐，樓價又見底回升，樓價終走在股市後幾個月，大家睇到股市冧，樓價幾個月後就會冧。至於樓價會升到幾時？他認為，樓價升勢將持續到股市冧，股市見頂兩、三個月後，樓市又會見頂。
來源:
http://hk.apple.nextmedia.com/financeestate/art/20160930/19786201