財女手筆：特朗普數到三，就……
1 :
GS(14)@2016-09-28 05:00:19美國總統大選首場激戰落幕，辯論內容不想重覆，反而想講講氣勢。如果大家並非睇精華片，就會發現「狂人」特朗普整個辯論，如鄺神所言「數到三就……」GG了！完全示範「一鼓作氣，再而衰，三而竭」！在辯論初段表現，特朗普絕對稱得上「狂放」，係威係勢，聲大夾惡，可能是早已背稿，以一貫「狂放」姿態指謫中國人搶走美國人飯碗，又話中國操縱貨幣，任由人民幣貶值，令環球投資流向中國，美國只有乞食，確實有「狂人」威勢。對比之下，希拉莉開初太過斯文，氣勢上落後特朗普。不過，未到中段，希拉莉繼續氣定神閒，反而特朗普越攻越弱，單憑聲線，原來「狂人」氣勢只在開端時能維持，即使在剛開始30分鐘，特朗普已經打斷希拉莉超過20次，但反而顯得氣急攻心，尤其被希拉莉嘲笑「從未交過稅」，才為美國財政真正疲弱的原因。滙市、股市一路反映投資者放心，相信特朗普首場辯論已經輸，Twitter更選出辯論「三大必睇時刻」。首位係特朗普話自己脾氣好，適合做總統，相信全球都認同特朗普確實有個別「總統」特質，包括改革、商業能力等，不過，絕非脾氣好……
Melody
http://www.facebook.com/whichroad本欄逢周三刊出
來源:
http://hk.apple.nextmedia.com/financeestate/art/20160928/19783919