聯名投資 分手勿隨便斬纜
1 :
GS(14)@2016-08-16 04:52:45【本報訊】情侶開立聯名戶口計劃將來總是甜蜜，但投資卻是理性。5年的理財計劃若於第1年已分手，有人可以「分手亦是朋友」繼續供款，亦有人蝕錢也要提早贖回戶口。美國萬利理財亞太區總裁張佩儀坦言，替客人開過的聯名投資戶口中，見過「有情人終成眷屬」結婚生仔的例子，亦有短短經歷1年情已玩完。不過，投資計劃往往未能跟隨情絲即時「斬纜」，分手太狠隨時令自己人財兩失。「情侶投資要供5年嘅基金，如果第2年已分手唔繼續供，只能夠蝕錢提早贖回。」她續指，以往的確有客戶做到「分手亦是朋友」，繼續一起供款直至完結，但「亦有好多女仔面對唔到，無論蝕幾多錢都堅持要停咗個戶口」。面對分手後的財務安排，張佩儀指，失戀男女必須訓練自己保持理性。「如果投資英鎊嘅情侶脫歐時分手，堅持要在最低位放，分分鐘蝕超過一成。繼續持有仲有機會博反彈喎」。她認為情侶分手應先考慮市況，才決定是否停止投資計劃；又或其中一方可自資退還對方的本金，「收購」整個投資組合，惟本來只是1人份量的供款，將會變成雙倍。「如果咁快搵到下任頂咗個plan當然最好，否則就要準備自己供得辛苦啲，或者拜託媽媽一齊供」。
來源:
http://hk.apple.nextmedia.com/financeestate/art/20160815/19736599