📖 ZKIZ Archives

中產小心 左丁山

http://hk.apple.nextmedia.com/template/apple_sub/art_main.php?&iss_id=20120114&sec_id=12187389&art_id=15980766&cat_id=255&coln_id=22

秘書 V係入廚票友，對煮食好有研究，在家並非炮製家常小菜咁簡單，有乜大時節，佢要徇家人要求（或威迫），在家親自下廚，與菲傭聯同調製鮑魚、魚翅、燕窩、白 切活雞諸如此類嘅酒家或飲宴菜式，足夠二十人一圍。問佢平時去邊度買餸，佢話：「九龍城街市囉！」喂，超市豬肉仲平喎？點解唔去超市買？秘書 V話：「買靚嘢，梗係要去街市㗎啦，我唔去超市啫，大把人去，大家自由選擇，互不相干。」
買賣至緊要有得揀，邊個貴，邊個便宜冇所謂，消費者各有 所好，此之謂競爭，超市豬肉減價，一定有大把人捧場。秘書 V在中環經常去食茶餐廳，話食唔起啲一星、二星喎，但若果返屋企入廚過節，佢就一定要買齊一級材料，橫掂係家人夾錢啫，對佢嚟講，最緊要有菲傭幫手，否則 一個人好難一人身兼買餸，煮食，執枱，洗碗各樣工種。話俾佢聽：「再培訓局呻窮，話資產剩番三十億，一年培訓支出八億，會坐食山崩，想話要求政府重新徵收 外傭稅，否則會三四年內乾塘！」秘書 V聽咗，當堂 O嘴，好唔高興，唔，聘請菲傭印傭者，多是中產階級，中產係馴羊，肥羊，最好劏，響佢地身上抽稅去津貼再培訓，上堂有錢收，人地都唔知幾爽！
有工 做，俾民生派議員劏一刀，都冇所謂啦，中產最怕聽到裁員之聲，上一次九七金融風暴後，銀行界大裁員，不少中低層以至高層文職人員失業，至今尚有人無法翻 身。原因並不難搵，中產中年人供緊樓，未供完者，為數不少，一旦失業，失去正當收入，供樓呀，兒女讀直資學校呀，請菲傭呀，等等支出，樣樣要削，左削右削 都係為咗保住層樓，九七後樓價大跌，斷供負資產人士苦不堪言。今天負資產宗數仍然比較少，但成交量低，如果失業而要賣樓，一時之間未必搵到買家啫，各位可 能受影響嘅人士，最緊要計掂條數，捱過冬天。在此時刻，有人話限制內地人來港買樓，唔歡迎自由行，讓彌敦道有番單眼佬凉茶，簡直係開玩笑，一旦冇咗自由 行，香港失業率（特別係基層）會立即爆升， M型社會提早降臨香港！

PermaLink: https://articles.zkiz.com/?id=30566
Next Page
ZKIZ Archives @ 2019