ZKIZ Archives


32DDD模特兒Lindsey親述11項巨胸的煩惱

1 : GS(14)@2016-03-30 14:42:11

唔少女士都想擁有驕人上圍,有深長嘅事業線,不過其實大胸都有大胸嘅煩惱。《花花公子》24歲模特兒Lindsey Pelas就擁有32DDD嘅cup數,但係Lindsey接受《Cosmopolitan》訪問時都話大胸令人苦惱,仲親自解釋11項煩惱。煩惱1:容易走光
Lindsey話大胸嘅女仔平時唔小心跌嘢落地下,烏低身執如果唔小心,雙胸係好容易跌出嚟。煩惱2:着衫難好睇
Lindsey話無論係着普通T恤、晚裝、婚紗,只要係個胸大,睇落就好低俗,好似四仔女星咁。煩惱3:難以扣鈕
Lindsey指每次買恤衫,扣鈕去到心口位置都係件難事,就算俾你扣到,出嚟嘅效果係好似件衫穿咗洞咁唔好睇。煩惱4:做運動被人注視
Lindsey講到呢度就嬲,因為佢每次去做gym,要跑跳時胸前就會彈彈吓,而其他人就會望實晒。就算只係舉啞鈴,男人都會望實佢條事業線。煩惱5:好難買胸圍
Lindsey指要買合適嘅胸圍或運動胸圍簡直係惡夢,如果背部個位fit,但胸前就塞唔晒。煩惱6:胸部易出汗
Lindsey話呢個係每日煩惱,佢話要用止汗劑噴事業線,如果唔係就好擔心會有體臭。煩惱7:以為係僭建
Lindsey表示其他人成日問佢個胸係咪假,問佢點解就整到咁大,佢就好想叫對方收聲。煩惱8:唔可以戴長頸鏈
Lindsey話每次戴長頸鏈,頸鏈就會消失於佢雙胸之間,睇落係超級怪。煩惱9:食物碎卡於胸前
Lindsey食嘢時間,薯片、餅乾之類嘅碎片經常跌落佢嘅事業線中。煩惱10:斜孭袋唔易孭
Lindsey指每次想用斜孭袋時,條肩帶一定會深陷於雙胸之間。煩惱11:難扣上安全帶
Lindsey話搭車想扣上安全帶都好好唔舒服,因為太緊,佢希望日後設計會有改善。不過最後Lindsey都話有個好處,就係雙胸之間可以收埋好多嘢,例如電話。





來源: http://hk.apple.nextmedia.com/entertainment/art/20160330/19549378
32 DDD 模特兒 模特 Lindsey 親述 11 項巨 巨胸 胸的 煩惱
PermaLink: https://articles.zkiz.com/?id=298763

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019