猴女樂基兒 樂觀化太歲
1 :
GS(14)@2016-02-02 15:58:05■肖猴的Gaile來年犯太歲，但她平常心面對，祝願新年大吉大利。
近年以香港、峇里兩地為工作基地的樂基兒（Gaile），今個農曆新年她就會返美國與家人過猴年，日前她在港接受本報專訪時，提早食賀年甜品金箔燕窩椰汁桂花糕等應節。Gaile透露已有接近一年未有返美國見家人，問到她一家新年有甚麼傳統習俗過年，Gaile笑言：「我屋企有個好得意嘅傳統，爹哋媽咪會安排一棵桔樹、掛滿100、50、20、1蚊美金利是畀我哋3姊妹抽，我哋每個人有兩次機會，又可以將抽到第一封掛番上樹再抽過，不過分分鐘抽到1蚊美金，佢哋好sweet，見邊個抽得小，就可以攞埋其餘利是。」
新年添食
肖猴的Gaile來年犯太歲，問到她會有甚麼方法趨吉避凶，她表示：「人生係常常需要有防犯，不過唔應該太迷信，因為每個人經歷好唔同，唔好將唔好嘢發生當做一件壞事，可以從中學習，下一次可以醒目同小心啲。」Gaile自言上個猴年運程也不差，對於新年期望，她表示：「身邊人健康、開心，自己新年會食多啲嘢，又會同朋友滑雪，希望之後可以減5磅。」今年年初，Gaile在Ig公告與男友Ian的關係，會不會期待結婚？她即笑笑口：「絕對唔會，而家言之太早，唔好諗太多，將來嘅嘢未知，亦唔會計劃太多。」採訪：梁錦雯攝影：葉君海服裝：Maje場地：國金軒（中環ifc）
■Gaile花心思，動筆為揮春加添馬騮及炮仗等圖案。
■Gaile在港預祝新年，大嘆金箔燕窩椰汁桂花糕及椰絲香芒糯米糍等甜品應節。
■Gaile新年將返美國同家人過節，趁機會與朋友滑雪。
來源:
http://hk.apple.nextmedia.com/entertainment/art/20160202/19475358