中環在線：有好人才醒畀周文耀 李華華
2008-10-30 AppleDaily
熊市殺到，港股交投疏落，港交所（388）家陣可以做嘅，就係積極出外兜生意，催旺港股。早喺牛市時，港交所已經好積極咁拓展中國以外嘅海外市場，當中俄羅斯企業更成為重點開拓嘅新興市場之一，可惜，香港識俄羅斯語嘅人才，十隻手指數埋都唔知有冇，結果語言成為一大障礙。
黑龍江大學生俄語掂
前 日神州數碼（861）喺蘇州工業園新成立嘅信息公司開記者會，華華都有出席，仲認識咗一位公關哥哥，佢竟然講得一口流利嘅俄語，嚇咗華華一跳。據嗰位公關 哥哥同華華講，佢嚟自黑龍江，因為黑龍江鄰近俄羅斯，兩地經貿生意往來好頻密，所以有地利優勢嘅黑龍江大學，因應需求開辦俄語課程，唔少當地大學生都識講 兩嘴俄語。嗱，唔好話華華唔單聲，畀埋條好橋港交所行政總裁周文耀，若然想搞俄企嚟香港上市，不妨諗吓遠赴黑龍江招兵買馬，搵番一兩個識講俄文嘅黑龍江大 學生幫手。其他中介機構、財務顧問、核數師行同公關公司等，又收唔收到呢？