柴火燒豬售罄 粉絲獲贈燒肉
1 :
GS(14)@2015-10-22 07:31:56■送叔昨將新鮮出爐燒豬運到屏山準備應市。許頌明攝
【本報訊】重陽祭祖，不少人也會預備燒豬。元朗屏山送叔（鄧送福）燒豬被稱隱世燒豬，有人早在農曆八月十五已預訂重陽燒豬、亦有人不惜花兩小時駕車來回西貢及元朗，只為一嚐皮脆多汁柴火炭爐燒乳豬。問及多年來有何難忘事，送叔笑言：「最難忘就係做唔切囉！」送叔製作燒豬逾50年，退休後只在大時大節製作，維持有限度服務。送叔前日已動手醃豬及將豬吊起風乾，以求外皮鬆脆；並於昨晨5時準備燒豬應市，8時親自將新鮮出爐燒豬由屯門藍地送到元朗屏山鄧氏宗祠外，隨即手起刀落斬豬，肉汁隨刀鋒濺出，炭火香味瀰漫四周。燒豬充滿肉汁，全因豬隻皆為新鮮豬及來自香港，送叔明言「唔係香港嘅（豬）又老又韌又臭膻」。他又指燒腩最受顧客歡迎，有村民及街外客欣賞其燒豬，燒腩只圖微利，每斤賣180元。
兒子不接手 面臨失傳
有市民昨特意朝聖，到場才發現全部11隻燒豬在早上11時多賣清，正以為要失望而回，送叔高呼「唔好走住！食嚿（燒肉）先！」並在燒肉枱上斬下兩塊燒肉供客人品嚐，笑迷迷地指「一場嚟到，點可以一嚿燒肉都食唔到」，認為剛燒起的燒豬皮脆肉香，稱「切咗就唔好客氣，客氣就食唔到」。送叔過往捧場客多為村內人，近年多了外來生客光顧。雖然秘製燒豬多人欣賞，但送叔燒豬亦面臨失傳危機，「今年我第四次胃出血，唔可以再捱」，兒子坦言有正職不會接手。送叔指曾收十數個徒弟，可惜徒弟都半途而廢，「太辛苦喇，一日瞓得兩個鐘，有個做咗個幾禮拜就走人」。市民若希望品嘗送叔秘製燒豬，最快也要待今年冬至，並可於冬至前10日預訂。■記者周詠雯
來源:
http://hk.apple.nextmedia.com/news/art/20151022/19342634