ZKIZ Archives


職場慧眼:老闆是癲狗

1 : GS(14)@2015-10-07 07:47:21

「我就快俾我老闆逼到發癲,其實唔只我,我全公司同事都係,日日返工返到提心吊膽,最怕見到佢,係公司入邊鬧都算,但係不論時候地方有乜嘢人在場,他一個唔鍾意都可以隨時癲狗上身破口大罵講粗口鬧埋我哋祖宗十八代。近期更加變本加厲,一大朝早企定公司門口等我哋返工,總之見到邊個唔順眼就全部一齊鬧,可以唔停口鬧足一個鐘。我哋個個都想走好耐,但最衰行頭窄,而且我哋個個都唔細,都喺度做咗十幾年,再出去社會仲邊有競爭力?要搵份差唔多人工嘅工好困難,被迫繼續喺度忍。以為佢年紀大咗火氣會有啲收斂脾氣會冇咁差,點知佢人越嚟越衰把口越嚟越賤。求求Son姐你教教我哋有乜嘢方法可以解救,真係再頂唔順啦!」求我幫手太過言重了,我何德何能實在擔當不起!你們目前的境況甚麼人也幫不了,你們只能靠自己,因為今日的局面,是你們全部人一起一手造成。你老闆之所以可以越嚟越癲,係因為得到你們的無止境「包容」所致。我有理由相信你們之所以肯一直死忍,是因為人工比外面高值得忍,結果搞到今日田地。既然清楚行頭窄,你們搵工難時他要請人何嘗不是?你們除了轉工還可以轉行,但你老闆不能,照道理應該是他買你們怕才是,怎可能反過來被他「食住」?我完全看不到你們還有和你的癲老闆有任何討價還價的餘地,你們不是習慣了逆來順受的嗎?對他來說,受他的氣是工作一部份人工包埋的,十幾年來都是如此他為甚麼要改?解救方法只有一個,大前提是你們必定要夠齊心,就是全部人一齊辭職唔做玩起佢,逼他站出來求和認低威,否則成間公司跪低。除此之外,別無他法!張慧敏
http://www.facebook.com/HKcareerdoctor





來源: http://hk.apple.nextmedia.com/financeestate/art/20151007/19323431
PermaLink: https://articles.zkiz.com/?id=292830

Next Page

ZKIZ Archives @ 2019