ZKIZ Archives


中環在線: 任總:迷債令我痛心金勞詹:痛在快冇得撈李華華


2009-02-24  AppleDaily





 

雷曼迷債風波拖咗近5個月,調查真相難講幾時水落石出,的確幾打擊香港金融中心嘅形象,立法會財經事務委員會噚日又再開會傾吓。金管局總裁任志剛喺會上慨嘆,銀行業喺各方面都做得好好,銀行體制亦健全,卻因迷債蒙上污點,令佢相當痛心。

有 「潮州怒漢」之稱嘅金融服務界議員詹培忠即時扯火,揶揄任總可能只係因盛傳9月冇得撈而痛心。老詹喺議事堂聲嘶力竭咁話:「金管局喺呢件事絕對絕對犯咗錯 誤,任總到今日為止,只係講過一句對銀行可能出現錯失好痛心,到今日為止佢從來都冇良心對待苦主,佢痛心可能係失去佢個職位!」

老詹認為雷曼迷債問題始於證券業務嘅「一業兩管」制度,但任總卻又視而不見,「你係咪推卸責任,任意妄為?我話過你任一招,你又否認係任七招,o依家又任二波(金融海嘯第二波),喺雷曼點處理?你解釋吓。」

改新花名「任二波」

向 來EQ高嘅任總回應話,多謝老詹一直以嚟嘅「照顧」,話佢改花名有,個人針對亦有。任總強調,迷債早年喺香港受歡迎,主要係息率吸引,類似產品喺其他市場 都搵到。證監會行政總裁韋奕禮就重申,迷債名稱並非苦主嘅重點投訴對象。亡羊補牢未為晚也,任總話,未來會要求銀行提醒客戶投資產品嘅風險變動,到分行存 款同買股票,或者會分開櫃枱處理,點樣落實就要再傾。財經事務及庫務局局長陳家強亦話,既然市場要求設立金融申訴專員,港府砌好份建議書會再諮詢,未來亦 可能會加大證監會嘅權力喎。李華華[email protected]



PermaLink: https://articles.zkiz.com/?id=6202

盧永仁又無得撈

2014-06-19  NM
 
 

 

由麥肯錫出來嘅盧永仁,有「中環劏豬櫈」之稱,因為佢「去邊間(公司)、死邊間」。一一年佢入咗南華傳媒做副主席,當時佢話集團旗下有15本雜誌,希望可以幫公司發展內地市場,喺新數碼媒體落功夫,仲可能搵策略性股東,唔排除幫集團搞上市添!聽落勁多任務。不過咁,啲任務唔知做咗一半有無,佢已「唔撈」(唔知主動定被動囉)!

最近南華傳媒出咗內部通告,話盧博士已從副主席呢個位step down(退位也),今年八月就會離開,並專注個人發展及慈善工作。盧永仁自九○年由麥肯錫出身,廿年來做過約十間公司高層,次次都胸懷大計,但最後全部蝕入肉。 在互動多媒體服務公司,蝕數億;三千萬入股奇正科技(336)(現稱華寶國際),蝕四千萬;做海域非執董,公司爆煲;入I.T大幅擴展業務,盈利大跌七成要辭職走人。 戰績咁「彪炳」,但次次都有人請,咁仲唔係另一種「襟撈」絕技嗎?

職場秘笈水鬼陞城隍

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。

發展商無論買一塊五千呎地又好,十萬呎地又好,需要用到嘅專業人士都一樣咁多。係咁意數一數,有認可人士、結構工程師、機械工程師、物料估價顧問、地質學專家、能源效益認可人、交通顧問、光學設計師……等等等等。由於,現時政府推地推得好快,市場完全唔夠人,所以搶貴曬啲人工。為了盡快展開工程,有時都要被迫請經驗及質素唔夠的人,所謂水鬼陞城隍,而呢班人做錯咗分分鐘都無人發現,到事後出現問題,就要浪費大量人力物力補鑊。望住新起嘅住宅,點解幢幢外貌都差不多?香港建築物條例,非常冗繁,加上近年不時有新條例出台,幾專業嘅建築師,為咗要符合啲條例,好多時要犧牲設計特色,無曬創意!尤其是大型項目,根本無時間及資源讓你入則去試新穎獨特的設計。好多行家,寧願Play Safe好過。只好慨嘆一句,香港現時地產的營商環境再容不下創意。

本週娛樂

做發展商嘅,最近想睇戲,梗係睇《竊聽風雲3》啦!嗱,本週日小宗就撞到世茂房地產(813)主席許榮茂,喺「平民區」太古城睇呢套戲。套戲講地產商、丁權、新界土豪、官商勾結等,要幾黑有幾黑,最終所有人仲一鑊熟添! 睇完戲,許主席就一支箭標出戲院,搵司機接走。佢哋集團一向少留港發展,唔知許主席睇完戲,有無對「本土文化」加深瞭解?對結局更加有無嚇到標冷汗呢又?

小小超一啖砂糖一啖…

「小小超」李澤楷旗下香港電訊信託(6823)宣佈,供股抽水七十九億。向來冇益人的小小超,今次以兩成折讓供股,睇落幾筍,但供股比例為100股供18股,即係供完同時換來一堆碎股。搞到好多股民同財演,都質疑小小超嘅「誠意」。不過,有個跟咗電訊股多年嘅歐資行分析員,就話今次小小超焗小股東供碎股,係有後著:「電盈(8)用賣北京office啲錢嚟供股,條數剛好cover到,如果小股東唔供,就少咗幾十億,所以今次特登用平兩成嘅價嚟吸引大家供。至於多咗出嚟嘅碎股,有助於令流通量減低,穩定股價,方便下次再抽水。一六年前電盈仲有百五億債到期,有機會再集資。」咁小股東點睇?買咗八號仔超過十年嘅長情股東歐陽先生,話要考慮嚇,「當初佢實物分派香港電訊俾我,我拿來收息,所以佢舊年想以股代息,我都揀收現金。今次供股就算平兩成,但都貴過上市價,其實唔著數囉!」 小小超左手派息,右手抽水,羊毛出在羊身上。小股東一係供股就範,一係被人攤薄分派收入,笑得出的,睇來只有小小超囉。

立法會危矣哉

立法會俾班反東北發展分子衝擊,連門都拆爛埋,此又再一次證明,唔怕生壞命,至怕改壞名。喺立法會嚟講,就係至怕整壞咗個logo也。

各位看官,你睇嚇立法會個logo,不中不西,都唔知似乜。個「立」字固然唔健全完整——即係殘廢嘅啦!——個「L」字就鬼畫符咁;而至陰功嘅,仲係企唔穩;搖搖欲墜,咁有乜辦法唔危矣哉!

金牙大狀講嘢

「過度解讀」即係反中亂港大律師公會第一時間反擊白皮書所指,法官乃「治港者」之說。 果如此,無論政府告邊個,佢都好學得長毛咁飛髮兼洗定個pat pat等坐矣。知道香港人未養得熟,依家就將大陸嗰一套強加諸香港人身上,會引發反彈,港澳辦副主任徐澤連忙補鑊,但就誣捏大狀公會,話佢哋過度解讀。此又不禁令人要問:若然班大狀真係過度解讀,咁做法仲算唔算愛國呢,又?須知,客氣嘅,就話過度解讀啫;唔客氣嘅,就係危言聳聽,甚至造謠生事製造恐慌、打擊社會安寧、危害國家安全矣。唔少大狀都飲過鹹水,即使冇飲過,亦戴假髮扮老番,咁仲唔係勾結外國勢力?對付呢班反中亂港嘅麻煩製造者,係咪要二十三條侍候先?

PermaLink: https://articles.zkiz.com/?id=102859

本地網購還有無得撈?

美劇《Billions》近日成為朋友間熱話。劇情關於檢控官奮力偵查億萬富豪從事金融內幕交易的證據。筆者未有機會看劇,友人在FB 引用一段劇中主角教訓向銀行借貸創業碰釘子的妻子,原話大意是:現在做的事,你是世界第一嗎?你提供的服務並非自家發明,沒有獨特性又沒有專利技術,也沒有專屬的市場定位... 要我繼續數下去嗎?我早就告訴你,但你聽不入耳...

上述的確是銀行不借貸、投資人不參與的理由。但是否只要世界第一、或具備獨特性就一定會成功融資?未必吧。銀行家和基金經理的眼光不見得就真的獨到。企業未必需要是the best 都可以生存和開拓市場。

自從王維基失落免費電視牌照,香港電視在網上免費播放高質素自家製作劇集,到後來停止拍劇轉戰網上購物(HKTV mall)...  老實講,筆者不看好。科技界的友人亦認為意念落後,香港市場太小,而且網購業逢勃,又有巨頭如Amazon、淘寶、天貓,不同類別產品又有專業網購如MyDress、Strawberry Net,根本看不到HKTV Mall 有任何優勢。貿貿然步入戰場,還要包攬各式各樣貨物,雖說很多具品牌的正品,但選擇不算多,價錢又不是特別低。最初的巿場推廣策略,沿用多年前推廣CTI 那一套 - 流動貨車以小部分極優惠貨品吸引師奶入會...  在科技人眼中,怎麼看都是落後甚至是未必具效益的做法。


自身不太喜歡shopping,幫襯最多的網購是Amazon,淘寶戶口則是年初友人來家探訪幫忙開通(的確太老土)。過去一個月,某些日用品超市經常缺貨,因而成為HKTV Mall 的客戶。說真的,user experience 有驚喜 - 落單後如存貨不足,會即時在螢幕顯示,不會為了「等貨」而影響送貨日期。整個過程由搜尋選購、價格標示、數量選擇、購物車check out 等,每一個步驟都很順暢,而最最最欣賞是送貨超快!(好像都只會提前,不會延後。)用過一次,會返轉頭再購物。

筆者不知道HKTV Mall 的優勢有多獨特,但可以網上購買新鮮和冷凍產品、賬單銀碼未達免費送貨,又可以選購超市類別以外的貨品,加上驚喜的送貨速度,以及流暢的用戶介面和貨品搜尋目錄,應該勝過所有本地的日常用品網購平台。當然專營某類別產品的網購站,整體用戶體驗也許更佳,但貨品種類不夠多元。買不同產品要往不同平台,都幾麻煩。

閒談間知道不少朋友是HKTV Mall 客戶。雖然曾出現多次送貨延誤和退款安排混亂的情況,客服又只有online chat 令人沮喪,但普遍滿意其服務。

筆者對HKTV Mall 確實大大改觀,產品夠多元,送貨又快捷。香港市場的確細,但若能掌握大部份家庭的購物習慣,也會價值連城的數據。HKTV Mall 似乎會慢慢壯大,殺出一條路。

此文同見於《信報》的《價值投資》專欄
Facebook 專頁:www.facebook.com/trendalysis
PermaLink: https://articles.zkiz.com/?id=252326

中環行蠱惑:「街佬」冇得撈 轉型唔易

1 : GS(14)@2011-11-14 23:02:25

http://hk.apple.nextmedia.com/te ... 104&art_id=15798778
區選落幕,成敗得失就留畀啲政治評論員、政黨人士去馬後炮,細莊比較好奇嘅係落選人士、特別係全職從政者,點樣面對加入失業大軍嘅問題。細莊老友 W,現職人力資源公司,以前係區議員,由佢講從政者辛酸,份外到肉。

諗住選立會仲大鑊

W同細莊講,一般較新、較年輕者,思考出路何去何從比較容易,通常都係搵份工再諗是否繼續投資時間做地區工作或者索性唔玩;最麻煩都係做咗幾十年嗰啲「街佬」,轉型唔易,又因為做慣議員,俾人招呼慣而放唔低身段, W面對呢類「求助」個案,都會同佢哋做個幾有趣同徹底嘅「自我認知」分析。
呢個分析主要係要呢班人面對現實,先搞清楚自身經濟實力,例如:有冇物業、要唔要供樓、有冇其他收入或賺錢能力、老婆有冇工作養唔養得起頭家、有冇「課外活動」同停止參加「課外活動」有冇手尾跟等。所以,好似啲本身係專業人士又開餐廳嘅,當然可以繼續發政治夢又照樣參加「課外活動」。又或者好似啲有好多抗爭平台嘅政客,一年到晚都有藉口籌款嘅「富貴草根」,亦當然生活冇問題啦。
W又繼續講,佢話最大鑊係明年仲諗住選立法會嘅朋友。成世人都係想入立法會,但選一次就起碼要成球嘢。朋友係冇乜家底兼要照顧一堆失業黨友,即使有人介紹佢去做雜誌、傳媒亦幫補唔到幾多,人去茶凉又未必再有「一筆過撥款」, W好擔心佢下年參選要按咗層樓,再輸就成為真正嘅無產階級,被迫同地產霸權抗戰到底。
逢周一刊出
PermaLink: https://articles.zkiz.com/?id=276581

當年被封毒瘤明冇得撈劉錫明泯恩仇 影YES!卡

1 : GS(14)@2016-05-08 02:56:15

■劉錫明廿年來首次回港工作,就幫有過仇口的《YES!》影Yes!卡。


曾經有劉德華接班人之稱的劉錫明,在90年代因為公開承認欣賞周慧敏而令其當時男友倪震不滿,最後倪震在自己旗下的《YES!》雜誌,連續三年以「毒瘤明」抹黑唱衰「情敵」,令劉錫明事業插水,最終被迫轉到台灣發展。直至08年,倪震終於對劉錫明表示歉意,劉錫明亦大方表示接受這個「遲來嘅歉意」。


■倪震當年為了周慧敏,利用《YES!》唱衰劉錫明。資料圖片

為囡囡出山

昨日在《YES!》的fb專頁上,上載了一條劉錫明接受訪問的短片,原來今次他應在下月3日舉行「YES!25周年演唱會」的主辦單位邀請回港拍攝,目前雙方正努力度期,希望到時可以參與演出。今年7月便52歲的劉錫明,外貌未見有太大改變,談到今次首次影YES!卡,他說:「我記憶當中應該係冇,今次覺得好開心,其實呢次嘅YES!卡係為咗囡囡,希望佢可以扭吓扭吓,見到爸爸噃。我最想自己嘅相可以印喺支筆上,囡囡返學嘅時候用到,寫寫下就會見到爸爸。」他亦透露如果今次成事,將會是20年後再度在港演出。撰文:唐琛悠





來源: http://hk.apple.nextmedia.com/entertainment/art/20160507/19601295
PermaLink: https://articles.zkiz.com/?id=299977

Snapchat炒100名工程師搞完Update就冇得撈

1 : GS(14)@2018-03-12 00:41:42

外媒消息指,Snapchat母公司Snap裁減100名工程師,據悉100名工程師佔了該部門的十分之一人手,亦是該公司首次涉及工程師的裁員行動。Snapchat在上月才推出app的最新設計,而去年底員工總數大約3,000人。該公司近幾個月已進行幾輪裁員,主要為市場推廣部、招聘部、內容部門。



來源: https://hk.finance.appledaily.co ... e/20180309/20326903
PermaLink: https://articles.zkiz.com/?id=349542

Next Page

ZKIZ Archives @ 2019