ZKIZ Archives


杏兒年底有嫁期?「有好消息會講」

1 : GS(14)@2015-06-10 09:01:01

■35歲胡杏兒否認今年12月與男友Phil結婚,她說有好消息一定會公佈。資料圖片


下月約滿無綫的胡杏兒,獲蕭定一公司力邀簽約3年,包薪2,500萬,事業將展開新旅程之餘,盛傳感情生活亦有新一頁。昨日有報道指35歲的杏兒與金融才俊兼夜店Play老闆男友Philip Lee(Phil)雖然拍拖未夠一年,但早前Phil向杏兒求婚成功,二人將定於今年12月在香港結婚擺酒,並要求一班好友包括胡定欣、李施嬅等預留年底日子做姊妹兄弟,而上月中杏兒更與Phil到馬爾代夫預支蜜月。報道又指Phil其實只佔夜場Play二十分之一股份,又指他沒有物業在手,早前還搬到杏兒郝德傑山單位同居,分分鐘杏兒身家多過男友,但杏兒仍答應下嫁,可見她愛得死心塌地。



■杏兒曾跟Phil大方在中環拖手行街,對戀情毫無掩飾。資料圖片

■胡杏兒日前跟蕭定一在銅鑼灣傾談簽約加盟事宜。DV圖片



為男朋友申冤

記者昨向杏兒求證婚訊,身在內地工作的她透過WhatsApp否認說:「冇啲咁嘅事,男朋友唔係圈內人,希望大家畀啲空間佢,亦希望大家唔好再叫佢港姐殺手,唔想再影響到大家嘅朋友,我講過有好消息一定同大家講,多謝大家關心!」另外,日前杏兒相約蕭定一到銅鑼灣一餐廳密斟,估計是傾加盟一事。杏兒於傍晚6時許離開,記者問她是否跟蕭定一傾約,她一味否認說:「唔係呀,唔係呀!」然後一支箭上七人車離開。



■有指杏兒上月跟Phil(上圖)到馬爾代夫預支蜜月,二人更換上當地旅行照片作社交網封面。互聯網圖片

互聯網圖片



吳卓羲已離巢

除杏兒下月約滿無綫不再續約外,有報道指吳卓羲上月已跟無綫約滿,吳卓羲有感在無綫不受重視,開拍新劇經常派他做「阿二」。相反內地近年邀他拍劇演男一,每集酬金高達30萬人民幣,故以無綫高層曾勵珍與樂易玲兩大巨頭跟吳卓羲傾續約,吳卓羲也hea住傾。記者昨致電吳卓羲,身在上海的他沒有否認已約滿無綫,只透過WhatsApp說:「我之前一直有同TVB傾緊,只不過我之後要去拍內地劇冇時間傾,絕對唔係報道寫hea住傾,多謝大家關心。」採訪、攝影:魯吉、梁繼光





來源: http://hk.apple.nextmedia.com/entertainment/art/20150610/19178275
杏兒 年底 有嫁 嫁期 好消息 會講
PermaLink: https://articles.zkiz.com/?id=290755

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019