ZKIZ Archives


香港搞科網向外走吧! 佟 若喬

來源: http://hkcitizensmedia.com/2015/03/24/%e9%a6%99%e6%b8%af%e6%90%9e%e7%a7%91%e7%b6%b2%e5%90%91%e5%a4%96%e8%b5%b0%e5%90%a7/

3月間間公司都出業績,在我們PR界來講當然是peak season。不過阿姐今年待我不薄,竟然不用我在office做到三更半夜,而俾我飛左一轉北京做company visit搵客。喺個客介紹下,我先知點解科技這幾年可以將大陸翻轉再翻轉。

北京中關村,由過往集中賣電子產品,到過去一年成為全國科網人聚集的地方。這期克強總理不斷叫人創業創新,令到這裡充滿創業的氛圍。這裡的cafe,間間都坐滿人,幾個幾個人圍埋,在電腦面前傾傾傾,個個都打算用科技創一番事業。

cafe內充滿創業的氛圍
cafe內充滿創業的氛圍

IT人通常有腦但無錢,cafe就成為他們由朝坐到晚,打理網站和meet人的地方。我同好多人傾計,好多都是因為一個idea,在呢度 lineup左寫program 的engineer,仲有他們渴求的angel investor,為他們的項目註資。他們搞緊的app講得出的都有,網購、打車、炒股…個個都希望創出個niche market,做下一個淘寶,下一個uber。

這裡仲有不少幫人創業的公司。他們不是單純的agent,幫你填form搞文件,他們仲會搞不同類型的聚會,俾個platform你sell自己個idea和product,出席的好多都是大型互聯網公司的高層,一旦被他們睇中入股,簡直就是明日之星。我睇左其中一場roadshow,得同唔得的idea都有,但我feel到的是,良久沒有在香港見過的passion及活力。

睇返香港,我們的數碼港、science park根本有名無實。係,有好多大公司駐紮,但你有幾可見到有IT個體戶會聚集,同誌同道合的人傾下大計?科技同創意創業講求由人組成的氛圍,而不是幾座cyber少少的建築物,或搞個創科局就會走出黎。我不敢話大陸一定會好成功,但事實上我們見到過去一年,創意和科技將大陸好多固有的生態倒轉。先有網購令到衝擊傳統零售,個個都搶住要搞O2O。後有互聯網金融,支付寶、送紅包,一一玩殘銀行大佬,同時改變了好多大陸人的生活習慣。試問近年有咩科技改變了香港人的生活?我諗到的只是純溝通用的what’s app…….

我其實戥好多香港的IT人唔抵,他們並非無idea,而是香港market太細,香港人口味太單一,能夠打造大網企難度實在太高。返大陸搞,以為大陸13億人market夠大?以我所知,有好多最終損兵節將要敗走,原因是摸不清楚大陸人的生活文化,從人脈到設計都輸在起跑線,香港IT人根本就沒有容身之所。

9gag是由香港人創辦的,你又知唔知?
9gag是由香港人創辦的,你又知唔知?

近年唯一叫做成功少少的本地科網公司叫9gag。可能你成日會收到一些你未必識笑的英文gag圖,其實這些來自9gag的圖,正正是由幾個80後香港人搞的,現時全球瀏覽人次每月4億,在美國等西方國家大受歡迎。如果9gag並非特例,香港科網人要創業,是否應該多d走出去,唔好只是睇住香港,靠住大陸食飯?

我開了Facebook, 歡迎大家add我!

https://m.facebook.com/Financetung

PermaLink: https://articles.zkiz.com/?id=137553

Next Page

ZKIZ Archives @ 2019