周顯 炒股密碼 星美文化改橋喪炒
1 :
GS(14)@2015-03-23 16:08:39http://www.metrohk.com.hk/index.php?cmd=detail&id=271772&search=1
昨天下午，我正在和朋友喝下午茶，突然有線人來電，叫我留意「星美文化」(2366)，我皺眉說：「這股票曾經令我大丟面子，你還要我去買？」
他很肯定地說：「此一時也，彼一時也，一隻股票可以脫胎換骨，你今天不買，一定後悔！」
我馬上埋單回家，去看資料，以及密密打電話收風。話說這股票在去年暴跌了幾十巴仙之後，宣布一供八，卻在股東會中被小股東投票反對了。不消說的，這股票馬上陷進了僵局，在低位中徘徊，一直不動。
然而，從上星期開始，它突然日日猛升，而且是大成交地急升，於是我致電給另一位線人套料，他的說法是：「家陣內地電影股炒到癲晒，你睇隻『阿里影業』(1060)，炒到幾百億市值。呢隻『星美文化』只有三億幾，老闆唔通仲向下炒咩！有咁強嘅勢，梗係乘機改橋，唔向下炒，改為向上炒啦！」
我馬上說：「係噃，炒返到十零廿億市值，都仲係『阿里影業』的幾個巴仙市值，到時先至同啲大陸Friend唱，話隻股票好平好平，散畀啲大陸Friend，咁先至係食大茶飯吖嘛！」
線人說：「咪就係囉！」
周顯 (逢周二、五見報)
資深投資者，著名股評人，股壇教育家