吳綺莉收小龍女道歉信
1 :
GS(14)@2015-03-16 08:48:20
■涉嫌虐兒的吳綺莉昨日早上十一時許，穿上與前日一模一樣的服飾獨自外出購買寵物用品。
吳綺莉日前涉虐待女兒吳卓林（小龍女）被捕轟動全港，警方還在其大埔寓所搜出少量疑似大麻的毒品，昨早吳綺莉外出購買寵物用品後，於上午十一時許返抵屋企，素顏的她戴黑超遮憔悴樣，跟前日衣着打扮一樣，明顯為女兒事情煩惱，沒心情換衫換袋扮靚。雖然被女兒爆酗酒兼情緒波動，但昨吳綺莉面對記者追訪表現平靜，還禮貌地打招呼：「你哋辛苦晒啦，冇嘢講呀真係。」她表示昨日不用開工，問到小龍女現是否在醫院？吳綺莉說：「應該喺醫院啩。」囡囡是否暫時不可以返屋企住？她說：「唔清楚呀真係，辛苦晒，唔好跟我啦，唔出街啦。」
「佢冇乜朋友」
昨晚有線播出吳綺莉的訪問，她表示女兒寫了封信透過社工交給自己：「佢同我say sorry，小朋友承受唔到壓力爆煲，屋企人有乜唔可以傾。佢同我講過冇乜朋友，可能家庭環境問題，我盡量令佢唔受傷害，但人言可畏唔係人人頂得住，但每個人都有情緒，我係女人仔，可能有啲唔開心畀佢見到，佢擔心我，呢樣可能惡性循環。」小龍女曾指在媽咪面前扮開心，吳綺莉說：「佢屋企個個都做戲嘛，哈哈哈！」
■吳綺莉昨日回家時表現平靜，但顯得不願多談。
■吳綺莉在昨日的有線電視訪問片段中，透露女兒經社工轉遞了道歉信給她。電視圖片
有指吳綺莉酒後說了些話令小龍女難受，問是否講早知唔生你？吳綺莉否認：「我從來唔會講呢啲說話，好唔尊重好傷害人。其實我唔係飲醉，嗰次因為小龍女做錯事，我又飲咗酒，放工返嚟又攰，心情好竧，可能因為咁講咗啲難聽說話，但我平時唔會咁同佢講嘢。」吳綺莉坦言自己都有做錯，她說：「試過唔開心同佢講：『無論發生乜事，就算媽咪唔喺度，都會同你安排好晒。』我諗因為呢番說話令佢好驚，唔想冇咗我。」
■吳綺莉與女兒卓林經常打孖外出，她更透露女兒朋友不多。資料圖片
「用皮帶打佢」
另外吳綺莉早前接受內地節目訪問，坦言自己是潮州人從小被打大，對女兒管教亦一樣嚴厲，她說：「最犀利一次囡囡用剪刀剪我皮包，我用皮帶抽打佢，要佢用頭頂字典罰企三粒鐘。」採訪、攝影：吳耀輝、李志明
來源:
http://hk.apple.nextmedia.com/entertainment/art/20150316/19077370