📖 ZKIZ Archives

佔領華爾街 左丁山

2011-10-12  AD

美國有「佔領華爾街」活動，參加者人數唔算好多，有時幾百，有時一兩千，因為華爾街係紐約金融中心象徵，外國遊客又多，在此發生甚麼事時，都會成為世界新 聞，據經濟學人（冇美國政黨立場）報導，示威靜坐人士來自不同團體，有反建制派，有環保團體，有動物權益派，有無政府主義派，有反銀行派，有主張吸毒合法 化派……不一而足，但仍有一個中心點，就係反對金融資本主義，反對美國政府受華爾街影響過甚，反對全球化（按：歐美年輕人多數認為全球化係佢地失業之根 源，大量工作職位流往印度、中國，皆因全球化）。
見到「佔領華爾街」行動有韌力，歷久不散，美國民主黨與工會立即「政治抽水」，工會發動捐款支 持，奧巴馬指共和黨政策違反人民意願，梅鐸嘅霍士電視就大力指責一班年青人為示威而示威，不知所為何事，仲報導素來得到索羅斯捐款支持反共和黨嘅 MoveOn.org在背後捐款鼓勵示威。換言之，一個純粹自發性嘅年青人示威好快就被政治團體騎劫，操控，利用，作為政治鬥爭工具，成為奧巴馬在民望大 跌之時嘅絕地反擊武器。
美國發生呢啲事情，左丁山認為係奧巴馬、伯南克一手促成，上任總統布殊與財長保爾森亦難辭其咎。金融海嘯發生前後，市場係 人都知有 Greenspan Put，後來又有 Bernanke Put，總之逢親股市大跌特跌，格林斯潘與伯南克就會搞量化寬鬆嚟救市、托市，令大量市場人士，無論係投資者（退休基金）、投機者（索羅斯）都知道賭股未 必輸，華爾街銀行大到不能倒，放心投機，最終會有政府出手打救。咁多年來，銀行的貪婪就是如此形成的，就好似香港咁，炒樓好少會輸，樓市一大跌，特區政府 就會用孫九招托市，減少土地供應。左丁山呢派認為政府干預市場太多，必然產生巨大道德風險，久而久之就會鼓勵投機取巧，老實工作人士受到懲罰（搵錢太慢吖 嗎）。政府係唔應該救市嘅，「佔領華爾街」就係救市後遺症！

PermaLink: https://articles.zkiz.com/?id=28513
Next Page
ZKIZ Archives @ 2019