ZKIZ Archives


諾貝爾經濟學獎 左丁山

2011-10-13  AD

2011諾貝爾經濟學獎名花有主,得獎人係兩位同班同學,同於一九六八年獲得哈佛大學經濟學博士學位嘅 Thomas Sargent及 Christepher Sims,嗱,無論講甚麼大學排名榜,哈佛總是永遠名列前三名,真係抵佢嘅,一家大學對國家、社會乃至人類之大貢獻在於佢是否能夠培育一代又一代嘅精英, 有幾多畢業生能在科、教、文、社、法、工、藝各方面有真正貢獻。哈佛年年精英輩出,今次在一九六八年博士畢業生中,竟有兩位榮獲諾貝爾獎,真犀利。香港嘅 大學無論歷史長短,在未有博士生、本科生得到諾貝爾獎或者逸夫獎之前,不宜宣傳自己係亞洲第一,世界前三十名,諸如此類,否則人地聽到都會替香港面紅。
沙 準教授大名鼎鼎,知名度高過仙士教授,兩人既係博士班同學,又曾同在明尼蘇達大學教書,相識已久,兩人各自研究理性預期模式嘅宏觀經濟學,各有成就,沙準 教授在建造模型理論方面,仙士教授(哈佛讀數學系)在隨機統計方面,各有成就,兩者合起來,如雙劍合璧,為當代宏觀經濟學之理論與方法,奠下基石。 L教授在明尼蘇達大學攻讀博士學位之時,沙準與仙士適值盛年,盛產論文, L教授話:「當年明大經濟系有四大天王,三位已得諾貝爾獎( Prescott, Sargent, Sims),還有一位 Neil Wallace唔知幾時排隊排到,我算夠運,能受四位教導。沙準教書頂呱呱,講義編排好就成為一本教科書,已經出版咗三本,博士生不可不讀。仙士教書冇咁 醒,但佢啲數學統計學厲害,可用統計學證明好多宏觀理論是否可行,公共政策是否有效用。」
據 L教授講,根據沙準與仙士兩位嘅理論與實證,聯儲局與歐洲央行之救市方法,根本無用,難以幫助經濟恢復正軌,克魯明不懂宏觀經濟學,與現實脫節,一味鼓吹 政府赤字預算,只會繼續危害經濟。左丁山唔明白,克魯明與仙士係普林斯頓經濟系同事,伯南克亦來自普林斯頓,點解佢地唔虛心互相學習嘅呢?難道真是學人相 輕?

諾貝爾 諾貝 經濟學 經濟 左丁 丁山
PermaLink: https://articles.zkiz.com/?id=28512

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019