老樓周記：公屋狂熱 隊冧樓市 劉兆昌
1 :
GS(14)@2013-07-14 11:45:55http://hk.apple.nextmedia.com/financeestate/art/20130714/18333483
五窮、六絕、七翻身，樓市經歷多次風浪，抗跌力卻一次比一次強，自沙士以至金融海嘯，都以見底反彈快見稱，主因是地少人多資金流入所致，但現時卻被梁振英管理班子反轉了這個優勢，可能明年開始樓市經歷另一次十年浩劫。
梁振英為了向中央交代盡快解決中下階層住屋問題，無按既定遊戲規則，掠奪原先作私人住宅或公營機構用地，大量改造成公營房屋用地，圖讓八萬五房策重生，以大量土地來滿足市民需求，隨時變成豪宅區隔離有公屋、醫院地變居屋的土地錯配亂局，令規劃格式180度轉變。
寧犧牲新界東北居民
睇番當年房委會主席王䓪鳴大力擁護老董之八萬五政策，搶赤柱地興建公屋及居屋，曾遭反對，但有人講：「公屋居民點解唔可以享受海景？」係嘞，邊個敢話唔可以呀，冇飯食，食COVA蛋糕都得；如此「公屋狂熱」，結果就係冇贏家。發展局局長陳茂波用類似手段搶醫院地建公屋、硬銷新界東北新規劃，勸千名農戶犧牲小我、完成大我，為建造公私營房屋或六萬戶家庭着想，這謬論十多年後又再次出現官場，這當然不是陳局長心嗰句，只是道出梁振英的策略。
既然政府懶理反對聲音和大量增加供應的惡果，當然以目前低息環境樓價大跌仍未會發生，唔怕一萬、只怕萬一。