昨日新聞報導，歐盟準備注資入歐洲銀行體系，令投資者暫時放下心頭大石，跟隨歐、美股市反彈，恆指昨日更反彈9百幾點，創兩年來最大單日升 幅，香港股票市場一向有波幅巨大的特性，今年超跌，下年可以超升，唔排除一、兩年後港股可以升穿三萬點，中人壽股價直迫兩百蚊。所以長線投資人賺大錢好簡 單，股災底加碼，到泡沫頂減持，就已經長線穩賺，財演教你持大量現金，又話什麼什麼低處未算低，千萬不要溝貨，話情願個市回穩再買，總好過坐貨，這種「主 流」言論，實屬廢話，就係呢班人，在上次金融海嘯，一路叫人唔好買貨，結果散戶等到升上兩萬點先開始高追，到現在跌市又止蝕離場，一買一賣，又是高買低 賣，咁攪法玩多兩轉已經身家無幾，以後再與投資致富以及財務自由無緣。
我本來想在昨日入貨，不過一開市已經裂口高開，在大藍籌都升一成的市況下，又唔想買貴貨，所以又再忍手，但論及長線投資策略，愈跌愈買，錯不到那 裡。咁大家又會問，有什麼撈貨心水? 我再囉唆講多一次，一般散戶應該以持有大藍籌或指數基金為主，幾家內銀與內險，或是盈富基金(2800)與H股指數基金(2828)，都是撈底之佳選，那 些二、三、四線優質股又如何? 通常港股回復升勢，都係藍籌與指數先行，二、三、四線跟尾，遲一步再撈中細價股都無走雞，如果買到無錢，都不用愁，先儲蓄，後投資，未來歐美各國債務沉 重，美國佬又只有濫發貨幣去救經濟一途，未來熱錢充斥，通脹升溫，股市風高浪急，泡沫與股災發生的次數愈來愈密，長線投資人有大把機會執平貨，得閒就到我 網誌瀏覽，今時共患難，未來共富貴。