自由行受害者 銅鑼灣麻雀老舖結業
1 :
GS(14)@2012-12-08 22:26:50無考慮轉型唉?
http://www.am730.com.hk/article.php?article=133504&d=1914
47歲的任國鴻，13歲起跟父親學習手雕麻雀，兩年後子承父業，搬到現址售賣麻雀、賭具，以及手製麻雀。32年光景，舖租由700元，升到目前近萬元。「最近合約到期，都諗到會加租，但無諗到加咁多。」他指，多年來與同一業主「相安無事」。
直至最近要續約，舖租一下子加4倍，物業公司職員更放話稱，「任生，就算你出到呢個租(加租後租金)，都唔租俾你。老闆希望租俾間有前景嘅公司。」
續約不成，任國鴻原本希望以「短期租約」方式，在傳統旺季農曆新年期間「清貨尾」，亦遭業主拒絕。他又指，租約已經到期，目前只因尚餘店舖按金而「技術性留低」，希望清貨，最快本月底結業。對於即將被迫遷離老舖會否不捨，他冷冷道「唔捨得可以唔走咩？面對現實啦。」他又對現時市道表示不解，「(香港市面)乜都一窩蜂，以前駱克道邊有咁多找換店、藥房。奶粉真係咁好賺咩？」他慨歎不但不能受惠於「自由行」措施，更成為舖租狂飆下的受害者，「唔放寬自由行唔使死」。
32年老舖 街坊不捨
同樣不捨的還有一眾街坊，在短短大半小時的訪問，已有3名街坊客問任「好哋哋，點解唔做啊？另起爐灶嘛！」任國鴻只能無奈慨歎「點做啊？一副麻雀加價4倍，你買唔買啊？」他稱近年麻雀行業已不大如前，90年代初，內地民間對賭具需求大，帶旺整個行業。現時因麻雀館、聯誼會等引入自動麻雀枱，生意大受打擊。他解釋，自動麻雀枱使用的麻雀，每隻均注有鉛，「成隻啤出嚟」，與一般麻雀不同，因而少了這一大客源。對於未來生計，任坦言要轉行，「希望有一萬蚊人工，要求唔算高啊。」
2 :
skfv(15984)@2012-12-09 15:07:32剛剛去匯豐禁完機想行去消防局對面買杯貢茶飲, 點知執左......ok fine~
行過少少想去交電話費, 又執埋要行去灣仔先有得交......貴租真係開始殺埋身啦.........