無線篤定拍《巾幗3》
1 :
GS(14)@2012-08-23 12:59:18可以拍甚麼?
http://hk.apple.nextmedia.com/entertainment/art/20120823/16626985
最近無線在深宵時段重播《巾幗梟雄》，掀起一幕幕柴九與四奶奶鬥智鬥力保家園的經典場面，不少上班族要晚晚捱夜追看。早前《巾》劇監製李添勝揚言今年尾會退休，更盛傳最近拍攝的《神探高倫布》會成為他在無線的最後一部作品，加上編審張華標已過檔壹電視寫劇本，令開拍《巾幗3》的成數看似微乎其微。
不過世事無絕對，城市電訊、 now和有線等明年有機會獲政府發免費電視牌照，身為電視業龍頭一哥的無線將陷入一場苦戰。為打好這場仗，早前無線已力邀王晶和曾志偉等外援拔刀相助參與新劇開發，另一方面亦籌拍一連串收視口碑俱佳的「續集」做存貨，繼《衝上雲霄 II》後，添哥的《巾幗》當然成為開拍對象。無線為挽留添哥，亦願意作出大讓步，容許他一年只拍一部劇集，最終添哥答應留低，現已開始籌備《巾幗梟雄3》，預計明年3月開拍。
李添勝：唔會係時裝
添哥昨日在電話中承認已在構思故事大綱，他說：「唔會係時裝，但年代未諗到，但一定會跟一、二輯完全唔同，會以全新人物、背景拍攝。」添哥否認高薪留任，問到是否幫手打仗？他說：「唔係，之前加咗啦！其實都係咁做，我年底都65歲，始終擔心體力、精神唔夠，大吉利是講句，唔通要做到伸直腳咩！」
添哥希望由黎耀祥、鄧萃雯、敖嘉年等原班人馬演出，並會加入一些新血，他解釋：「我哋要突破框框，唔可以睇來睇去嗰幾個。」對於編審張華標未能再參與寫劇本，添哥表示不擔心質素變差，他說：「佢自己揀，冇辦法。」問到張華標可會幕後代筆或畀意見？添哥說：「一定唔會， TVB一定唔得啦。」張華標承認由台灣返港後，曾構思過《巾幗3》的故事，但因客觀因素未能參與，他昨日說：「唔失望，我都好期待新編審嘅創作，觀眾冇我都唔係問題，最緊要有祥仔同雯女。」
2 :
GS(14)@2012-08-23 13:01:46http://hk.apple.nextmedia.com/entertainment/art/20120823/16626986
狂賺人仔
雯女北上密密拍
http://hk.apple.nextmedia.com/entertainment/art/20120823/16626987
金牌監製
靠《天梯》挽聲勢