講膠所手記：裁員潮又殺到
1 :
GS(14)@2012-08-02 11:40:49http://www.sharpdaily.hk/article ... 8%E6%AE%BA%E5%88%B0
承龍兄昨話喺吉之島家品部買嘢畀錢要排好耐隊，YY絕對同意，因幾周前YY喺呢間吉之島亦有同樣經驗，而且案發時間亦係非假日嘅非繁忙時段。
點解會咁？生意難做，人手慳得就慳，唔止吉之島，好多百貨公司同食肆都鍾意請啲新移民做Part-time，雖然不至於雞同鴨講，但就因為溝通有問題，將你嘅幫襯流程拉長。
再留心啲，近排食肆連夥計都慢慢減少，唔止藍領就業市場麻麻，連中環金融精英界別都有裁員潮暗湧，有探子同《爽報》財經仝人講，某法資大行近排每日都有人執包袱，呢招「一日一件」幾好㗎，因唔使一大堆人捧住紙皮箱落樓俾傳媒拍照，大家又唔可以話佢哋大規模裁員，單嘢已喺中環揚晒，其他同行都只可望天打卦，求其返得一日得一日囉！
YY
（逢周二至五刊出 ）