姿本主義：不要現金的女人
1 :
GS(14)@2012-05-14 23:56:53http://www.sharpdaily.hk/article/news/20120514/89542
女人的投資哲學，很多人尤其男人會覺得可怕甚至瘋狂！為棵葱可以左揀右揀行九條街格價，講到投資可以憑直覺成份身家瞓身買落去。難道除了胡孟青？有其他女人識投資？
今次要講的主人翁Q姐，是個典型盛女，即是年逾40自食其力的獨身女人。從事專上教育行業。年青時喜愛花天酒地，最怕束縛兼「上身」，所以出糧除了畀家用亞媽，其餘留在戶口懶理，總之有儲蓄就得啦，煩來幹甚麼？
千帆過盡人到中年，心血來潮看看戶口簿，原來不經不覺滾存之下都有一筆現金，想想自己下半生幸福誰靠，突然興起念頭不如買樓收租。坐言起行搵地產，問清樓價行情計夠數決定一不做二不休，豁出去一於打孖上買兩個。貪交通方便易租出，專登揀兩個東區大型屋苑細單位，兩個禮拜之內搞掂，快夾狠！買完即時放租，被地產代理取笑，原來只是放租何需專揀靚裝修？覺得她買貴了那筆錢花得不值，她悠然自得專心揀日本人租客。
幾年下來又儲了多一筆，於是心思思想換車。念頭一轉新車落地即時蝕錢，倒不如買多層樓搬出去自己住？於是把舊樓加按加上手頭現金，做一半按揭入了層千呎大屋。然後由零重新開始。如此博盡，萬一有甚麼衫長褲短豈不倒瀉籮蟹？原來還有幾手藍籌傍身。講起「貶值」就嬲，所以不要銀紙要磚頭！
張慧敏
專欄電郵：SharpHK.Women＠gmail.com
facebook專頁：
www.facebook.com/SharpHK.Women