講膠所：大孖沙需要關公！
1 :
GS(14)@2012-03-02 22:39:30http://www.sharpdaily.hk/article/index/15307/20120302/61553
呢個月係一年一度業績高峯期，亦係新舊特首最多新聞嘅一個月，正所謂政商掛鈎（正確學名應該係官商勾結），各大孖沙嘅字頭夠膽開業績記者會嘅，下場都會同新地（016）郭氏兄弟一樣，將個波交畀公關阿頭。
之但係呢一水唔同以往嗰啲家事、緋聞、爭產，純八卦，呢鋪係講緊香港嘅聲譽、香港嘅前途，所以，行家們一定會咬實唔放。
但亦有個別業績會可能會好爆嘅！YY個人心水係長實（001）、和黃（013）、新世界（017）、華人置業（127），因為呢三個字頭嘅話事人一向講啲既有Guts又奔放，畀傳媒屈機咁耐（佢哋係咁諗），應會盡情還拖，所以，有幾強嘅公關都無用，講乜都唔會兜得番，照YY睇，大孖沙們最需要嘅唔係公關而係關公，因為惟有關公先可能救到佢哋一命──如果佢哋真係如佢哋所講咁正氣嘅話。
By the way，新地嘅「以心建家」口號唔知會唔會改為「要跑步機，要搵新地」呢又？
YY