老樓日記：全城搶貨 轉吼冷門
1 :
GS(14)@2012-02-14 22:33:49http://www.sharpdaily.hk/article/index/15307/20120214/53555
資金回流樓市，動力足，在過去一個星期成交追回失去的數字一半，本月成交可重上5000宗水平，距離高峰期仍有一段長距離，追貨個案湧現，反映了持續半年的跌市暫時告一段落，發展下去又會怎樣呢?
業主又反價囉﹗忍了半年手的買家，又會重新處於被動角色，由於盤源尚未被完全消化，實客增加盤源冇少到，可以揀落手的單位不致太少，要與業主鬥法卻要相當忍耐力和強力現金支持。
一直以來，旺市業主吊高來賣、淡市買家議價能力高，但自從實施額外印花稅後，業主叠埋心水收租，造成量跌價不跌的畸型現象，完全與買賣方程式背道而馳，當樓市復元後，買賣動力轉勢頗急，用家可能要付出更高的置業成本。老樓認為，藍籌屋苑先後起飛，二線樓的市場感覺較為落後，建議暫時可以轉移視線尋求二線樓較高質素的單位，可能有機會執到筍盤。
老樓了解買家的心情相當矛盾，擔心決定入市後樓市又會波動，但敢說若閣下懷這種議而不決的心態，永遠買唔到樓。
劉兆昌
www.HKLau.com