老樓日記：良好儲蓄習慣 跌市無懼
1 :
GS(14)@2011-10-24 22:35:26http://m.sharpdaily.hk/detail.ph ... 5307&category=daily
投資要講心理質素，跌市要捱價，不過樓就唔同，始終磚頭有價，即使跌市只要能夠供下去，終有一天守得雲開見月明。好似沙士期間樓價唔見咗兩成多，連同98年起累積有近七成跌幅，當日買了樓的市民捱了僅7年，樓價返家鄉可算是不幸中的大幸，好過一批斷供被銀行接管物業後低價出售，仇都冇得報，眼白白睇住人哋賺錢。
為求加強個人防守性，買樓的時候也須檢視三個重要元素。第一、當然有一份打風都打唔甩嘅穩定工作，除了可以每月有份糧應付每月開支外，心理上都會比一般工作不定的人優勝，所以在中層管理人員較為穩定，起碼o依家失業率無03年那般高。
第二、以租代供。意思即係話層樓當遇上淡市時，若果一旦失業未能支付每月供樓開支，把層樓轉出租，用租金來補貼供樓開支，由於數年前鎖定了供樓利率不超過1厘，按現時市況可以有4厘租金回報，足夠用來供樓。
最後，當然有足夠的儲備基金，可以捱多一年半載，所以有一個良好儲蓄習慣是好事，以防他日不時之需。
擁有上述三類良好財務狀況下，假如碰上持續一至兩年的靜市，總較完全無準備的人士風險低，夠實力頂下去。
劉兆昌
www.HKLau.com