|
||||||
|
繼○三年的「舞影行動」後，廉政 公署再一次打娛樂圈大老虎失敗，今次對無綫電視業務總經理陳志雲等人採取的「威遠行動」，又一次有頭威，無尾陣。據本刊了解，律政司對這宗案件的把握有所 保留，但廉署堅持去馬，一心以為由無綫自動獻身舉報高層，自然定過抬油，料不到整件事只是無綫借廉署過橋自編自導的宮廷鬥爭劇。無綫舉報陳志雲後，轉頭又 讓他復職；一方面有高層出庭指證陳志雲，同時又有另一幫人力撐他。正如法官形容，無綫這間上市公司猶如大股東俱樂部，無王管。市民才是最終的苦主，貼了近 千萬元去看無綫大股東和高層炮製的鬧劇。而律政司於週二決定就陳志雲和叢培崑的其中三項控罪提出上訴。 法官在上週五宣判陳志雲無罪釋放後，本刊得悉，當晚六嬸方逸華即安排一眾主角，包括陳志雲、曾在法庭上指證陳的集團總經理李寶安等人聚首一堂，歡迎陳再次 投入無綫這個大家庭懷抱。自陳志雲打勝仗後，公眾對於這宗案件的注意力，的確即轉到他是否回無綫「報仇」，李寶安是否留在無綫繼續和他鬥，有份指證的樂易 玲又會否消失？屬於「迷雲黨」的藝員如王喜等人，又會否獲無綫續約？這宗貪污疑案，被當成八卦娛樂新聞看待。 精心部署大龍鳳 但這宗「娛樂」新聞，原來燒了市民大堆銀紙。陳志雲和愛將叢培崑聘請資深大狀組成的團隊，各自要花三百多萬元。法官判兩人可取回堂費，即律師費將由公帑支 付，再加上律政司外判的資深大狀也要二百多萬元，換言之，市民隨時要為這案支付千萬元。但無綫送到上門，這麼大的誘惑的確令人難以抗拒。○九年三月十一 日，廉署收到舉報後到無綫高調拘捕陳志雲，單是陳志雲的身份已夠震撼，案件還涉及他關照「同性密友」叢培崑齊齊搵錢，又有大批藝人牽涉其中，絕對色香味俱 全，極具宣傳功效。廉署一旦成功將陳志雲入罪，便能一洗近年備受批評的寃屈。陳志雲自被捕後一直有信心廉署不會起訴他，但九月十六日他到廉署保釋時，正式 被落案起訴。 六嬸玩殘廉署 當外間認定陳無運行之時，無綫在兩個月後竟出人意表地宣布讓他復職，登時令律政司和廉署方寸大亂。「佢哋舉報完個職員，轉頭又俾佢返番去做，咁即係點先？ 我點知你哋到時上庭會唔會轉軚o架！」知情人士說。眾所周知，任何事情的最後決定權均落在一個人手上，這人就是六嬸。陳志雲由被捧紅至失寵，到最終惹官 非，也完全操控在六嬸手上。陳志雲○二年升做業務助理總經理後，短短兩年再升上總經理位置，他的細心及口才，甚得六嬸歡心，視他為契仔之餘，事無大小也會 問其意見。甚為得寵的陳志雲更由幕後跳到幕前，連藝人也做埋一份。○六年無綫生活台啟播時，他為自己度身訂造《志雲飯局》，風頭一時無兩。 李寶安入宮掌權 但○七年，開始出現變化。六嬸希望「執靚無綫盤數」，請來出名數口精的李寶安加入出任財務及行政總經理控制成本，跟陳志雲平起平坐。「六嬸好識平衡，有時 企Stephen嗰邊，有時又會支持李寶安慳錢。」無綫中人說。由於六嬸向來慳家，跟李寶安同聲同氣，兩人越行越埋，當時紅到發紫的陳志雲，繼續陶醉於幕 前角色，終於被李寶安搶灘。○九年，當時的集團總經理陳禎祥退休，李寶安成功接任。陳志雲失意於幕後，繼續全情投入幕前工作，但他過分高調令越來越多人看 不過眼。「佢堂堂總經理，同啲藝人爭飯食，晚晚都喺東張西望見到佢，當正自己係明星，有無搞錯！」無綫中人說。陳志雲未有見好就收，相繼傳出他被挖角的消 息，因此引起六嬸的不滿，認為契仔有背叛之心，再加上身邊有人撥火，已對陳心存芥蒂。 終於捉到痛腳 至○九年十一月，終於等到機會捉陳的痛腳。事緣有製作部同事在例會上投訴剛剛在澳門新濠天地舉辦的台慶安排極差，調查下發現接辦活動的公司乃陳志雲愛將叢 培崑開設的公關公司，懷疑負責幫公司找贊助商的營業及拓展主管陳永孫明益叢培崑，公司進行調查，再查出叢培崑同時幫陳志雲在外接工作，陳志雲更收了出騷 錢，於是將事件交廉署處理。廉署翻箱倒櫃，跟方逸華、李寶安、樂易玲和一班藝人會面後，認為陳志雲瞞着高層和搵藝人着數，決定提出檢控。「無六嬸點頭，呢 度邊有人夠膽報俾廉署吖。只係無諗過六嬸好快心軟。」無綫中人說。事件峰迴路轉，被無綫停職的陳志雲，正式遭落案起訴後反而獲復職。「真係俾無綫玩死，俾 佢返去復職，之後亦表現得唔合作，我哋想攞復職嘅會議記錄，但攞唔到。」律政司消息人士說。 唔敢搏 雖然六嬸向廉署錄口供時說，陳若要秘撈，必須事前向上司申請，而她從未收過任何申請，看上去其證供似乎對控方有利，不過控方實在不敢傳召六嬸上庭作供。 「我哋捉摸唔到佢心意，雖然唔信佢會貿貿然喺法庭度推翻之前嘅口供，因為咁樣好影響佢自己嘅誠信，話晒係上市公司要員。但佢一句說話，真係可以搞到個 case即時冧晒，實在唔敢搏。」消息人士指出。但廉署中人指出，以往曾接過關於秘撈的投訴，其中一個案是一名警員秘撈，佗槍幫人押運名貴物品，但廉署徵 詢法律意見後，結論是秘撈不是刑事罪行而未有提出起訴。「人哋籠裡雞作反，你甘心俾人當傻仔利用。」幸而李寶安、樂易玲和助理總經理區偉林不負控方所望， 出力頂證。可是，有些關鍵問題證人不但越描越黑，反而被揭內部問題多多。所謂的撐場活動並無程序可言，只要管理層喜歡怎樣便怎樣，陳志雲利用藝人幫他的簽 書會撐場，六嬸亦一樣找來更多藝人撐親友的餐廳。只是陳志雲被舉報，六嬸安然無恙。有無綫中人坦言，事件反映對人不對事：「娛樂圈根本就鬼咁亂，如果所有 嘢都一視同仁唔可以亂收錢，咁有啲高層成日收名牌手袋都應該要告啦。」現在陳志雲強勢回巢，即是可以繼續用他的「名人」身份賺外快。至於無綫的人事會否作 出大變動，以及會否因應法官的批評而作出改動，仍是未知之數。區偉林指出，由於控方仍可提出上訴，現階段不便評論。「而家一切照常運作，大家都係為公司做 嘢啫。」 無辜拖落水 據了解，李寶安在庭上狂插陳志雲後的首次會議，一眾職員一於等睇戲。但無綫中人憶述當日情況：「佢哋如常開會，Stephen俾意見李寶安，李寶安好 buy，猛讚話：Stephen，你個提議真係幾好喎！佢哋完全當無事發生。如果我係一個陌生人，會以為佢哋好friend好夾，無人會估到李寶安啱啱喺 法庭插完陳志雲。」至於樂易玲，亦不會受影響。「佢係唔妥Stephen，但佢一向都唔怕任何人，因為六嬸當佢係世姪女，由邵氏睇到佢而家，會繼續睇住 佢，無人會郁到佢。」工作人員普遍歡迎陳志雲回巢，因陳一向肯嘗試不同劇種，反而李寶安收緊開支令員工不滿。「無綫係一個創作嘅地方，你一味慳，點做到創 作，邊會有進步。」陳志雲重返工作崗位，他和叢培崑更成功取回堂費，損失最大的是陳永孫，年已六十三歲惹官非，事後他辭職，要靠積蓄打官司，雖然打甩官 司，但申請堂費被拒。「你哋派系鬥爭，拖埋我落水，真係無辜。我同公司打咗三十年工，無功都有勞，係全公司搵得最多生意嗰個，一心一意為公司。你可以懷疑 我，查記錄，如果話我做得唔好做得唔啱，你咪抄我囉，我一毫子都無袋過，你為咗整其他人拉埋我落水，唔心淡就假。」陳永孫嘆謂。 |
||||||