📖 ZKIZ Archives

名嘴再婚．記者書法展 左丁山

http://hk.apple.nextmedia.com/template/apple_sub/art_main.php?&iss_id=20110903&sec_id=12187389&art_id=15579835&cat_id=255&coln_id=22

基金 L請吃私房菜，幾位老友赴會，就係到香港灣仔道某樓上私房菜館。左丁山甚少吃私房菜，呢晚見到成層樓得一張大枱，一間房（我地）有人坐，生意麻麻啫噃，一吃之下，不過不失啦，特色欠奉，爵士湯係「簡化版」，味道較淡，不過只收每人頭三百大元，都唔好要求太多。
活力先生講起，名嘴周融已在美國註冊結婚，十月在港擺酒。周融一頭白髮，身形灑，在情場無敵，六十歲人第四次結婚，新娘係國泰航空靚女，可與周融匹配，兩人熱戀多年，終成眷屬，恭喜晒。
周融與曾特首、曾一哥等同是自我奮鬥，不斷向上提升，自我增值嘅成功人辦，三個人同樣係中學畢業後就進入社會大學，一路打木人巷，攀升行內高峯，勝過不少大學畢業生。今天之十八歲、十九歲中學生，若入唔到大學，不必氣餒，可以曾、曾、周三位為榜樣，永不放棄！
周 融係記者出身，今天逍遙快活，美女投懷，其他記者想學到都難。不過有三位退休阿太，有另類快活、精神寄托之處，佢地就係前 TVB記者陳慧兒、陸嘉敏與劉家馨（ Betty Lui），三人同在上海總會「心畫書學會」跟李毓明老師學習書法，得窺書法初階，學習經年之後，有作品見得人嘞，在九月九日至九月十一日，佢哋三位夠膽參 加「心畫書學會作品展」 㖭。展覽當然係以李老師及其他高足作品為主，陳慧兒對左丁山講：「我只係掹車邊參展啫，正一係茄喱啡，超過一百位同學參展㗎，九月九日下午四時開始，在銅 鑼灣中央圖書館地下第一至第五號展覽館舉行，到時歡迎新聞界行家到場採訪！」昔年陸嘉敏與陳慧兒係 TVB中文台記者支柱， Betty Lui係英文台大將，估唔到今日齊齊修心養性，勤練書法，做退休阿太，就有這份閒情。
心畫書學會，於 1995年成立，「心畫」出自楊雄「言為心聲，字為心畫」句，書者，動情之作也，在李毓明老師教導下歷年不少學生成材，年青學生屢獲全港書法公開賽冠、亞軍及優異獎。

PermaLink: https://articles.zkiz.com/?id=27389
Next Page
ZKIZ Archives @ 2019