ZKIZ Archives


入行 44年 從未拜師學藝 金茶王羅德靠用心冲奶茶

1 : GS(14)@2010-08-14 13:05:56

http://hk.apple.nextmedia.com/te ... 104&art_id=14343670

【本報訊】「我參賽只係想推廣港式奶茶,唔想呢個傳統文化失傳」,這句話出自新鮮出爐的新一屆金茶王羅德的口中,絕對份量十足。在上屆金茶王比賽只得優異獎的羅德今屆捲土重來,最終憑平穩表現和冲出色香味俱佳的奶茶,成功奪得第二屆金茶王名譽。羅師傅今天會以香港金茶王的身份,與來自海外和內地的金茶王一決高下,爭奪國際金茶王的榮譽。
今年 56歲的羅德, 12歲便入行在茶餐廳當雜工,自言所有崗位他都做過。個子小小身形略胖的他在冲奶茶方面絕對身手不凡,他指從未真正拜師學藝,「都係喺旁邊偷吓師學吓嘢,再自己慢慢摸索」。入行數十年見證港式奶茶、咖啡文化的興衰,羅德說現在最看不過眼莫過於時下的奶茶重快不重質,商業味甚濃,「家好急進,冇乜人用心機去冲一杯奶茶,你想搵一個有份量嘅師傅都難」。
撈茶焗茶步驟很重要

羅德指,冲奶茶最重要在於經驗,例如粗茶和幼茶的分別、植脂奶和全脂奶的口味等,「你要掌握佢哋嘅特質,然後再用心去配搭」。而且,撈茶、焗茶、冲茶每個步驟都很重要,「用幾耐時間焗、用咩手法去冲茶,都係好大學問」。
去年曾參加第一屆金茶王比賽,卻在決賽中鎩羽而歸只得優異獎,今年捲土重來終於奪冠,羅德形容是對他多年來努力的回報,也希望可以幫忙為推廣奶茶文化出一分力。
連續兩年都擔任決賽評判的金百加發展有限公司執行董事卓鳳婷稱,羅德師傅今年表現更勝去年,「佢舊年初賽嗰陣其實做得幾好,但到決賽嗰時就失準,相反今年表現平穩,味道同技巧都好出色」。她指,一杯好奶茶的味道應該水準和味道都相近,「羅師傅今年呢杯奶茶,同舊年冠軍陳偉聰嗰杯味道真係一樣咁好」。
2 : 自動波人(1313)@2010-08-15 17:30:52

我同事飲過元朗果間

不外如是
入行 44 從未 拜師 學藝 茶王 羅德 用心 奶茶
PermaLink: https://articles.zkiz.com/?id=270283

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019