官永義: 「唔抽水我百分之一千死咗」
1 :
GS(14)@2010-08-08 16:16:47http://realblog.zkiz.com/greatsoup38/17216
2010-8-5 AD
官永義加永義國際（1218），除咗令人諗起供股同抽水，都真係好難聯想到其他嘢。俾人叫咗咁多年抽水大王，當事人官生似乎無呻過半句，華華噚日有幸拜訪傳奇人物，當然要問吓佢自己點睇！
官 生話知道market點睇佢，至於早年點解成日供股，「如果唔係我供股，公司已經唔存在……唔抽水？我百分之一千死咗！」不過，佢嘅另一重點似乎係「我抽 水！但我無買過飛機，無買過遊艇……啲錢全部響番公司裏面，我起樓買地盤都唔使借錢，間公司係無債無gearing……我公司幾抵買o架！」
官 生仲忽然感懷身世，話97金融風暴嚟得好急嗰陣佢走唔切，間公司負資產廿幾億，個個都話佢死硬，有個Pricewater老外仲同佢講翻身要等下一世囉。 噚日聽佢咁講咗粒幾鐘，間公司o依家有舖喺手收租有樓賣又冇負債咁好景，做番啲令股東開心嘅嘢，咪可以除咗抽水王呢個朵囉！
李華華