ZKIZ Archives


街邊理髮師批唐 左丁山

2011-8-11  AD




 

講起香港精英學 生去外國升學,讀英美名校,左丁山唔反對,只係希望佢哋可以畢業後回港服務,唔好留外不返啫。呢日碰到銀行經濟師V,年紀輕輕,說話有板有眼,唔係講五句 廣東話,就夾雜十個英文字嗰種,於是問佢喺邊間大學畢業。佢話:「UV吖嘛,阿媽問過你o架?」吓,有咁嘅事?經濟師V解釋,佢阿媽係左丁山長期讀者,多 年前曾寫電郵詢問維珍尼亞大學與南加州大學都取錄咗乖仔V,應如何選擇?左丁山唔記得晒咯,經濟師V話:「你嘅回郵講到維珍尼亞大學有南部哈佛之稱,歷史 悠久,於是阿媽就送咗我去。2005年畢業返嚟,加入銀行。」咁講法,呢位八十後經濟師聽教聽話喎,佢嘅老闆(頂頭上司)就係總經濟師N,左丁山老友啫。

本 欄對年青人教育有此影響力,誠始料所不及,既然係咁,不妨講多一次,請各位留學外國精英學子,畢業後全部返嚟香港,為建設香港而努力。本欄讀者乜都有,一 位自署資深國泰馬可勃羅會員來郵投訴國泰服務,按道理應該直接寫信去馬可勃羅會吖,不過既然寫咗俾左丁山,於是將封電郵轉送國泰,等佢哋俾解釋與澄清。呢 位讀者又強烈質疑左丁山在北海道坐汽車南行,見到右手邊「驚濤拍岸」之說:「回應是日蘋果貴專欄內容,北海道太平洋海岸南行,一段;稍有地理常識都會清 楚,左邊才是『驚濤拍岸』,右邊才有『青山林木』!先生一定回答乃『手民之誤』吧!」

唔會噃,親歷其境,那會有錯,從靜內去日高育成牧場,位於北海道之東南方,馬場在靜內之下面。故此去日高時,驚濤拍岸在右手邊。回程時,海水就在左手邊。

 

又 有一位讀者自署「上環街邊理髮師」睇完本欄講唐英年八字,請人代筆來電郵,指出「唐生於1952年8月7日亥時,適逢該日立秋時間為晚上十時三十二分,指 此造應申月為用神,而非巳土……木運幫身,有力有財,官印透天,三面皆好,但無傷食更無火,不聰明,無學生更無奴僕(現代術語就係幫得手嘅夥計),雖則有 福之人,但講到做特首就有人不服……想應是困局也!」上環街邊理髮師既有此言,其他讀者對唐生八字如有意見,請賜教。

 


PermaLink: https://articles.zkiz.com/?id=26912

Next Page

ZKIZ Archives @ 2019