|
||||||
|
呢日行經中建大 廈，發覺一樓嘅HMV已經停止營業，唔駛問都係因為租約滿期，不堪加租而停業，以後要到HMV買唱碟、影碟，到銅鑼灣可也，但對左丁山呢類人嚟講，以後肯 定少咗好多幫襯。講真，自己唔會有計劃咁走去HMV嘅，次次都係中建大廈就在中環正中，位置好到極，有時食過午飯，飯氣攻心，於是經過HMV就走入去行 吓，睇吓，跟住手痕就買番幾隻碟，極少專登上去買貨嘅。 中環皇后大道中租金愈來愈貴，音響店又幾難在中心旺區立足嘅，左丁山唔知有乜嘢名牌 進駐HMV舊址，相信一定係珠寶店、字母名牌之類啦。隔籬Harvey Nichols有傳聞都會搬離中環咯，太古廣場原西武舊址已經騰空裝修，門外掛出Harvey Nichols招牌。西武與HN同屬潘迪生集團，西武招牌已舊，而且日本百貨公司在港已經不吃香，迪生撤退西武，以HN代替之，正路吖，至於置地廣場之 HMV店由乜嘢名牌代替呢？總會有大名牌付得起租金嘅。 基金F曾經研究過中環租金，以商店寫字樓為主，佢有一個意見，就係香港如果唔加緊興 建甲級商廈嘅話，會喪失不少職位。理由並不複雜，租金由市場決定，有公司A付得起每呎二百元租金，可以趕走只付得起一百元嘅公司B，但公司B本是賺錢（雖 然冇A公司咁多）企業，一旦失去中環據點，搬去其他區份嘅話，大有可能裁員，因為在其他地區繼續經營，生意未必可以保持，久而久之，中環只有最top、最 賺錢嘅行業存在，譬如話成條皇后大道中都剩番珠寶店、名牌店，你話幾咁冇趣味？ 但中環冇地皮噃，有乜辦法？基金F認為政府必須盡快增加寫字 樓商用地皮供應，以免本地投資者外國投資者搬晒去新加坡，或者本地嘅二線（second tier）商店無法生存，一線商店（如LV等等）不可能提供所有零售就業機會嘅啫。講就係咁講，但政府連拆建政府合署西翼都遲遲不能拍板，呢個政府難寄厚 望咯。 |
||||||