|
||||||
|
「蘋果日報」財經版最近取消咗股票行情版，聽講有不少讀者打電話到「蘋果日報」投訴，每日有數十起，呢日左丁山收到一封讀者來函，讀者Ｌ云： 「您 好，常拜讀閣下文章，獲益良多。每個人心中都有一秤，褒揚之言，不說也罷。現有一事相求，請轉知肥佬黎，這幾天蘋果日報股市行情之『行情表』突然消失了， （××日報還是有此類資料的。）我不知道取消刊登此『行情表』是否出自肥佬黎的主意，如是則對肥佬黎太失望了，此君IQ絕非如此低吧，此乃變相把銷量拱手 相讓。若非他之主意，但作為大老細，焉有不知之理，防微杜漸啊！本人自蘋果日報創刊之日起，除了外遊，每天閱報從不間斷，（肥佬黎受箭靶的笠衫保留至 今。）愛之深，痛之切，希望他不要自毀長城，讀者亦幸甚矣。 讀友Ling23 Jun 2011」 「蘋果」為何取消股票行情 版，想來必有一番考慮，最主要嘅因素，所有財經版編輯都知道，就係（一）上市股票愈來愈多，行情版不能無限地擴充版位（因紙價高漲），故此盡量將字體縮 細，讀者要用放大鏡先至睇到，為讀者所不喜；（二）現在搵股價非常容易，智能手機一定有股票報價apps，上電腦就更多報價網站，夠快，唔使睇隔夜股價， 左丁山以前都鍾意搵吓行情版，現在已經用慣咗手機查看股價，搵舊股價就用電腦。 其實大約十年前，已有報紙醞釀廢除行情版，不過大家驚住得失 讀者，冇人敢為天下先。「亞洲華爾街日報」仲未改名之時已取消美國股市行情版，財經報紙「信報」幾個月前率先廢除行情版，現在只有三種指數成份股及一百大 活躍股行情。即使係「金融時報」亦於幾個月前取消咗一啲「商品期貨倫敦收市價行情表」，睇嚟在互聯網、手機apps當道情況下，此乃大勢所趨，無可避免， 但係讀者睇慣咗，或者每日剪存作資料儲存用途，以便隨時翻查，就會抗議報紙廢除股市行情版o架嘞。如果讀者Ling問左丁山，我會考慮在「蘋果日報」網站 設股價專頁，打入股票中、英文名字或編號，就可以翻查。 |
||||||