| 2011-6-12 AD |
||
|
六月四日本欄寫 「以下犯上多」，談及鍾月萍博士之「長勝風水─易經的突破」，一位讀者「白沙」先生睇完，立即到書局買書，六月五日來電郵指該書第七十九頁之華盛頓總統八 字及大運排列有誤，希望鍾博士改正。又話：「我覺得這本書是一本好書，不應有瑕疵來影響本書的光輝，所以才寫電郵給你。」 「蘋果」讀者包羅 萬有，不少各界專才日日睇，我地寫錯少少就有人來郵指正，真係寫到驚驚地。呢位「白沙」先生係有心人，以第一時間到書局買新書，買完又即刻睇，第一時間搵 到錯處，厲害、厲害。左丁山於是唔敢怠慢，將電郵傳俾鍾月萍博士，兩小時後，鍾博士已有回覆，大意云：「華盛頓的運則全部要改動如下……我的原稿是橫排， 天地（出版書局）用直排，連帶全部運程都排成一條直線，我在校對時，看了心亂，要求重新橫排，時間怱忙，不慎把另一八字的運套上去，這點我們應該更正，謝 謝白沙先生的提示。」左丁山自然又將鍾博士嘅電郵，傳俾白沙先生。 高手過招，快如閃電，問題講清楚，希望該書有再版時，可以改正。 有 一位不具名讀者來電郵，似係一位八、九十後新生世代，反駁左丁山之「悶悶不樂」，指新人物「經常講冇機會，唔係指數量而係指質素」，「基建論係一廂情願， 新一代係唔想好似舊一代咁下下依靠外資，做條寄生蟲，要自力更生……」講得幾有志氣，但可惜左丁山睇極都唔明白，呢位新世代究竟想做乜？既然唔肯 「flipping burger」，唔肯做「外資二等職員」，「唔會跟大陸有錢佬美其名做其財富管理」，唔會做「商場石Ｑ、侍應和sell屎」，咁點呀？乜都唔啱，好想做 「新科技、生物科學、砌架F2戰機、F1跑車與iPad反攻世界」喎，真有志氣，咁有冇本事呢？是否眼高手低呢？想嘅話就要創業，到大陸闖天下，或到矽谷 與世界一流高手競技，與印度新世代較量吓先，如果一味得個講字，留在香港反基建，等運到中六合彩呀？不如搵鍾月萍博士同你算吓命運先？ |
||