| |
||||||
|
||||||
|
在「中美戰略經 濟談話」會議中，美國財長蓋特納用接近純正嘅普通話講：「有福同享，有難同當。」相信中國主理經濟、金融嘅副總理王岐山聽咗，係笑在心裏。王岐山離開美國 之前，對記者講：中國有五千年歷史，外國人不容易理解中國。其實就係婉轉地反駁蓋特納，唔好以為住過北京，識講幾句中文，就自以為了解中國，可與中國有福 同享，有難同當。呢兩句話相當重，彼此若非桃園結義兄弟，點可以講得出口呀，蓋特納與佢嘅中文師爺，對中文一知半解而已。 美國負債纍纍，國 債總數上限（debt ceiling）係十四萬二千九百億美元，左丁山寫稿時，負債額已達14,281,446,762,348美元，每秒鐘都向上升，大家可以上網查一查 www.usdebtclock.org睇吓最新數字，負債上限隨時可達，而美國國會兩黨為提高負債上限，相持不下，無人知道超額之後會發生乜嘢事。 中國與日本為美國國債最大債主，兩國加埋揸住二萬億美元以上，佔總額17.5%，中國佔其中一萬一千五百億美元，如果美國國債有難，王岐山幾難與美國「有難同當」咯，日本人與美國交情深厚得多，佢地或者會頂硬上支持美國嘅。 美 國政治人物對中國之認識只係表面，號稱係中國專家，一手建立共產中國與美國外交關係嘅基辛格自七十年代中，就收割中國「遞延利益」，做美國跨國公司中國顧 問，賺錢賺到依家。八十八歲咯，仲無意退休，外電報導佢出咗本新書「On China」，指首先採取主動，親近美國嘅，係毛澤東，意在拉攏美國抗蘇聯，拉一派打一派，乃中共統戰慣技，但基辛格講到毛澤東係「王者哲學家」就令人好 驚奇。毛澤東熟讀中國古書，三國、紅樓、水滸、資治通鑑，瞭然於胸，曾下令許世友讀紅樓夢，自己即場背誦幾段作示範，如此人物，係超一流權謀家，基辛格話 佢係王者哲學家，擦鞋擦過龍咯！ |
||||||