|
||||||
|
問鼎今年全球集資額最多嘅新股嘉能可（Glencore），被稱為神秘嘅商品交易商，上市在即，佢本招股書閱讀價值有幾高暫時唔知，但環保人士肯定唔滿意。 有投資銀行界嘅朋友同華華講，嘉能可本招股書超過1600頁，基於釘裝問題，無論英文版同中文版都會史無前例一書兩冊，再用一個盒裝住，十足精裝版書籍，即係集齊中英文版本，總共有4冊書，創上市公司紀錄。 究 竟1600頁有幾厚？華華模擬過，足足係正常招股書2至3本咁厚。中央證券董事總經理鍾絳虹同華華講，暫時未知本招股書真實有幾厚，但係佢就覺得應該諗吓 其他方法，等第時遇到同樣情況，可以唔使印晒咁多資料，唔使斬咁多樹。佢又話，嘉能可暫定只印幾萬本招股書，因為收票行唔係咁多。 |
||||||