ZKIZ Archives


燒山 嘅股票有無燈力嘅呢 中環客

來源: http://hkcitizensmedia.com/2017/02/28/%e7%87%92%e5%b1%b1-%e5%98%85%e8%82%a1%e7%a5%a8%e6%9c%89%e7%84%a1%e7%87%88%e5%8a%9b%e5%98%85%e5%91%a2/

山 係香港五大明燈之一,相信大家見識過 la la land 喺奧斯卡被燈一役之後,大家都見識過。 燒山 同丁蟹唔同係,演丁蟹嘅鄭少秋,本身唔係一個活躍嘅投資者,相信大家唔知佢嘅燈力,會唔會影響到佢投資嘅股票。但 燒山 係創仔名人嚟,其實最早知道 燒山 啲股票有燈力嘅,唔係高登仔,而係投資 燒山 家族股票啲人。

燒山 啲股票賺咗錢要識走

一如 燒山 做評論嘅態度,佢有無做功課,佢係有做功課。周不時都會製造啲消息去炒起個股價,好似佢自己主理嘅易通財務,周時都有八位數字貸款公告,去年年底攞到濟洲韓牛代理權,都係堅好食嘅。而佢個仔蕭定一嘅HMV中國數碼,依家有戲拍,簽到啲好嘅藝人,例如中環啲麻甩佬都知嘅周秀娜。啲戲,唔算十分好,但有口碑,仲收購咗英國HMV喺香港嘅商標使用權,雖然係拍住匯友資本一齊做。但至少 燒山 係有實質業務俾大家睇嚇,佢已經好過好多炒空氣嘅友仔。只不過, 燒山 啲股票,係炒炒嚇突然洗倉然後暴跌,好似呢個月,就遇上類似事件,成班友走都走唔切。

燒山 啲股票,如果喺低位細細地玩嚇,其實有得玩,因為 燒山 兩父子係會將股價由低位炒番上,唔會容忍股價長期喺谷底徘徊,所以係適合啲執死雞人士,如果你唔係短炒一兩日,你肯低位吸入,然後摣番半年,應該好分頭過你攞筆錢去馬場賭馬。但如果你短炒一兩日,又未必炒得起,如果有好消息炒到火紅火綠果陣,就要快手走人,千祈唔好同 燒山 啲公司談情,否則你帳面損失就好大。所以果啲十世都唔㩒大利市機嘅友仔,又係唔啱玩 燒山 啲股票。

燒山 係唔係股市大燈神,咁佢未至於嘅,至少佢啲公司,都唔係會蝕死人啲公司,佢個仔HMV數碼中國可以做到轉虧為盈,雖然無派中期息,但喺影業低迷下,佢係叫有交待。只不過,你買 燒山 股票嘅態度,唔應該係買佢對家嘅態度,因為 燒山 嘅燈力唔會時時刻刻喺佢自己打理公司度發作,但當你嘅回報去到某個水平,就係靜雞雞沽出套現,等佢間公司股票大跌果陣再趁低入過。講句難聽啲,你咁樣搵 燒山 幫你打工賺嚇錢好過喇。

PermaLink: https://articles.zkiz.com/?id=238258

Next Page

ZKIZ Archives @ 2019