ZKIZ Archives


中環在線:全球最貴嘅街係施勳道每方呎身價5.7萬再度稱冠 李華華


2011-3-11 AD




 

香港,絕對係一個地產之都!喺超人蟬聯地球上最有錢嘅華人之同時,原來我哋香港有條街,都蟬聯咗地球上最貴嘅街道!

英國《金融時報》最新嘅調查顯示,香港山頂施勳道再次成為全球最貴嗰條街!而根據堆填區樓市分析員(part-time嗰隻)李華華估計,應該係多次登上全亞洲最貴洋房榜首嘅倚巒帶挈施勳道冧莊嘅!

馬榮成朱立基都係業主

《金 融時報》呢個調查,搵嚟國際同各地房地產專家,列出住房均價最高嘅街道,用每平方米價格,得出一個十大最貴街道名單。咁我哋嘅施勳道到底有幾貴呢 又?Well,成條街每平方米價值7.82萬美金,大概相當於61萬港紙(以每平方呎計,即係呎價5.7萬港紙),相比前年每平方米價值7萬蚊美金,足足 升咗一成二。至於排名第二嘅,就係英國肯辛頓王宮花園;排名第三嘅,就係摩納哥蕾斯公主大街!

講番條施勳道,成條街都係鑽石級豪宅,知名度 至高嘅當然係倚巒啦,唔少富豪商賈都係業主,好似漫畫界天王馬榮成,趁金融海嘯低吸其中一間屋,即時被喻為「撈底王」,一度成為城中佳話。另外,越南華僑 朱立基、化妝品牌FANCL本港代理商陳志明都係業主,而撇開倚巒,九倉(004)主席吳光正、世茂(813)許榮茂同埋陳振聰胞弟陳振鴻等等都喺呢條街 有物業,將呢條街啲業主嘅身家加埋,分分鐘唔輸畀南區嗰邊o架!

李華華

LiWaWa@AppleDaily.com


中環 在線 全球 最貴 貴嘅 嘅街 街係 係施 施勳 勳道 道每 每方 方呎 身價 5.7 再度 稱冠 華華
PermaLink: https://articles.zkiz.com/?id=23119

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019