|
||||||
|
銀娛（027） 旗下澳門銀河5月15號就開張大吉，噚日銀娛大老闆呂志和同呂耀東兩仔爺，特登搞咗個別出生面嘅記招，率先同大家揭開呢個新場嘅面紗。唔係講笑，成場美 食，仲香檳、大吟釀任飲，可惜華華有工作喺身，所以半啖都唔敢嗒，更正嘅係有兩位美女幫大家做「馬殺雞」，華華企企吓都以為自己過咗大海！ 不過最搞笑嘅係，大細呂咁有心搞呢場記招，但就問乜都唔答，結果，問無可問之下，大家惟有搬埋賭王「分燊家」件事出嚟叫佢comment吓，大細呂耳語一輪之後，細呂大耍太極話唔想評論人哋家事，只可以講「祝何生身體健康、萬事如意……」 但呢兩句，兩星期前先用過咋喎，大細呂下次不如諗定多啲自己嘅嘢同大家講啦！ |
||||||