|
||||||
|
萬零人或六千八 百人上街示威，反對預算案。泛民議員聲言投票反對，當然係走精面，佢哋既然明知建制派已完全支持，即使泛民派全數投票反對，無損大局，不會害到六百萬名香 港永久居民得唔到派錢及退稅共一萬二千元，咪一於印印腳去投反對票囉。假如好似政改方案咁，政府要爭取三四張泛民票先至可以通過派錢預算案嘅話，泛民派就 唔會咁口響咯。左丁山唔係鍾庭耀，冇做科學性民意調查，但自曾俊華宣佈派錢以來，所聞所見，無論老少，盡皆歡迎派錢，好相信民意不在泛民方面。講真，左丁 山不需要也不贊成政府派錢兼退稅，但既然財爺向真正民意「投降」，肯派錢兼退稅，咁就卻之不恭，受之無愧，自己同其他納稅人既然納稅不少，政府係要派番啲 咁多俾自己，攞番唔使怕醜。 沙田陳太嘅老媽陳老太呢排非常開心，佢啲沙田太極友、麻將友全部係七十歲以上長者，人人可多獲一個月生果金，又 有六千蚊派錢，開心到不得了，錢都未入袋，已經話要輪流請飲茶。陳老太話豈止早上在茶樓見到個個有笑容呀，去到街市亦係一樣，啲街坊一齊咁開心，係幾十年 來未見過嘅。假如泛民真的反對派錢成功，六千元不翼而飛嘅話，湯家驊、梁國雄、劉慧卿、黃成智等新界東立法會議員，在沙田可能要面對不少街坊質疑。大記者 告之，佢在北角亦見到一間大廈住客奔走相告，話有六千蚊可收，人人歡喜到極，如果萬一俾泛民反對而冇咗，住客啲「合理預期」落空，唔知會點呢？ 有 六千蚊，做乜好？建築邦急不及待，已買入兩個iPhone4，夫妻一人一個，佢話好多朋友預備買iPhone與iPad，因為家電已經人人有，新產品之 中，只係欠呢兩樣啫。「蘋果」真係時間啱啱好，三月十一日推出iPad2，三月二十五日在二十六個國家發售，如果香港有貨嘅話，一定搶購一空。另外旅行亦 係熱門，藝術中心屬下嘅香港藝術學院，搞一個配合西九嘅七日藝術旅行團到日本東京、京都、大阪與四國參觀藝術博物館，有專人隨團解「畫」，每人收一萬六 千，三月廿九日出發，即刻爆滿，遲啲報名都冇份，呢類主題「團」相信陸續有來，有意參加者不愁冇錢，只愁冇假期啫。 |
||||||