ZKIZ Archives


旅遊團被購物記(下) 老麥

http://makblogg.wordpress.com/2011/03/11/%E6%97%85%E9%81%8A%E5%9C%98%E8%A2%AB%E8%B3%BC%E7%89%A9%E8%A8%98%E4%B8%8B/#respond

行程中,最後一次定點購物,在珠寶店。

首先,我們被帶到一家大房,大民大會堂的小組會議廳般大小,人坐得很寬敞,很易放鬆下來。

招呼我們的,是一位二十出頭的福建小子,說的一口半桶水廣東話。

寒喧幾句後,就問:

“你們是從香港來的嗎?”

“是啊”

“啊,我們老闆也是香港人,他吩咐下來,要好好招待,千萬不要向他們兜售貨物,因為,我們的貨,大都是騙鬼佬的假貨,香港人嘛,大家交個朋友就算 了”

(我心想:呢o靚仔都幾大膽!)

“我老闆香港、福建兩邊走,剛好今天在這邊,如果你們不介意,他說等會下來跟你們見見面,交個朋友,你們說好嗎?”

(我們其實沒有示意,但老闆過不了五分鐘就來了)

(ok,又睇你搞乜花神)

老闆三四十歲,自稱太子爺,香港人,家住屯門良景邨,又有親友住在菜園村,賠錢賠到發云云。生意做了十幾年,全國十幾家店,跟地方黑白兩道都有交 情,有甚麼事,包括住酒店,都可以找他幫忙(?!) 言談間,又提到自己家的身家約不知幾千萬,如此這般,開始講他的產品了:

“其實我地主要做日,韓同鬼佬生意(?!),我地係自己人(點樣自己人法呢?),就唔怕講真話,其實出面大廳野,都是假劣貨,都唔係我地想咁,而係 市場需求!好像翡翠,鬼佬偏愛緣到發光那種加色玉,有證書寫明是B(C?)貨加工玉,所以不算是騙” (原來國標係咁解?!)

(我又醒唔起用英文試下佢…Anyway..)

接著又說了玉價如何暴漲,緬甸玉現在只能買暗石,純綷睹一鋪,但買中就賺幾千萬…等等種種,如此這般,又講到珍珠

“我地都有好貨,陳水扁夫人也幫我買過三百萬的鑽石! ” (咦,唔見陳太張相既?)

“拿,出面大廳d野就冇謂睇啦,開價又貴,一折都賺到你3/4倍利潤! 我帶你地去貴賓廳,今日大家有緣,等我教大家點樣分好貨同劣貨啦!”

此時,老闆教大家分辨珍珠/玉石和紅寶石,紅寶石如何分辨呢?

“講硬度,鑽石係十度,紅寶係N度,硬過玻璃,阿邊個,你拿隻戒指我示範下” ,說罷,拿了隻紅寶石戒指就往玻璃一劃: “拿,你地睇下有粒石有冇花到?” (咦,點解個鋼扣包住哂粒石既?)

玉石點分呢?

“聽聲音。真正清脆,假玉沙啞” ,” 叮” ,果然如此。

“我又唔係話乜野,你地咁遠水路黎到,我當交個朋友,教下大家,第時唔好比人騙”

“今日咁高興,我一人送一個玉吊墜啦!” (吊墜?全場o嘴)

“我地當交個朋友,頭先講果條珠鍊,標價七千,三百得喇”

“美金呀?” (售貨員口室室地問)

“人民幣!最緊要大家高興!”
“仲有隻手額,標二千,依家三百,唔係…一百元得喇!最緊要大家比面,當交個朋友!”

x x x x x x x x x x x x x x x x

其實有幾位團友真的對手額有興趣,不過到最後都冇買。不能否認,這位”老闆”的推銷手法其實算唔錯,用了多種典藉記載的手法。如果唔係講咁多 too good to be true, 說不定我們真係會”豪比佢”,可惜,大家使左錢落茶葉後,已沒有太多餘錢了,所以說,太多呢d購物環節,做第一個點有著數!

x x x x x x x x x x x x x x x x

關於鋼刀,我想說的是,當晚回到酒店外的小店也有售,價錢只一半!

安溪鐵觀音,7/80一斤,周圍都有得賣。

x x x x x x x x x x x x x x x x

除了定點購物,自費節目也是暴利,這也罷了。我們看的”木偶表演”,導遊收我們90,去到表演地方現場赤有售票,有標價,只售60。

看到價錢,我為團友們感到難過–被宰也就算了,還要告訴你虧了多少錢,太過份了吧?!

(說騙人要騙一世,倒有幾分道理)

我沒想過,旅行團搶錢,會這麼低莊。
更沒想過,連這家一級旅行社,也會這樣搞。

x x x x x x x x x x x x x x x x

旅行的本質是 Relax, travel experience 最重要是沒有 hard feeling, 而這種購物團,真是十分討厭。

我同自己講,除非是”純玩團”,否則,這應該是我有生之年最後一次跟團旅行了。


PermaLink: https://articles.zkiz.com/?id=23064

Next Page

ZKIZ Archives @ 2019