ZKIZ Archives


校巴牌有價 左丁山

2011-2-17  AD




 

關於學童小巴開快車一事,有一位讀者以前開辦學童小巴公司,來電郵表達司機方面嘅情況,節錄如下:

「學 童小巴爭分奪秒,除咗司機性好開車快,有時係學校同家長迫成,價要平,咁車主盡量接滿額,安全喎,一定要入屋邨入便上落,家長個個都叫你響佢樓下設站,唔 理禁區、巴士站都叫你開站,最叻嗰句係人地都係咁。工人接送就準時,若老人家就例遲,等得嚟下站啲人又黑面指罵投訴,司機焗要開快啲。放學遲多數係訓話 囉!學生玩失蹤、上廁所、上課室搵嘢,駛離校門晏,司機又要追時間,又怕投訴又趕下轉,有乜方法唔急呢?限一程車45分鐘,若果只五個站,又坐得滿,司機 係可以他條,不會快車。所以我做咗五年校車,蝕到驚!亦對不合理要求及投訴火滾,終於成間公司賣盤,因牌有價可袋成千萬,可好好過日子,否則學吳儀裸退, 白勞碌一輩子!校車好難做,廠車又冇得做,運輸署係倒米,接到合約要申請獲批在案,你至好行車,否則停牌釘牌,批又冇標準可言!

大陸愈做愈開放,香港倒退,二世祖式,個個唔好做,冇麻煩俾班官,佢地樂見,招呼幾個大商賈就啱!」

呢 位讀者C對經營校巴,滿肚怨懟,但難以令左丁山明白嘅就係,既然做咗五年校車,蝕到驚,點解有人肯買你間公司,等閣下袋番成千萬銀呢?俗語云,殺頭有人 做,蝕本生意冇人做,既然有人肯將間蝕本公司買入,買家有乜揸拿呀?牌照有價,可能係因為運輸署嚴格審批,不發新牌,人為地推高牌照之故,故此讀者C經營 校巴公司時,對運輸署抱怨不止,但依家可以安樂退休,唔多唔少,都係運輸署送嘅大禮啫!凡政府干預市場,就會有人得益,得益多與少,要睇個人造化咯。

 

至 於司機趕開快車,在禁區停車接學生,左丁山不以為然。學生自細就慣咗在禁區上車,會養成不守法習慣,他日長大後就會依樣畫葫蘆,藉口係:「自細都係咁o架 啦!」一啲家長係要校巴司機在禁區停車,心態要不得,運輸署啲交通督導員(俗稱咖啡人)應該要抄牌,罰到啲司機唔敢,消除家長嘅「人人都係咁」嘅心態。不 過啲督導員好識玩失蹤,要佢地阻止他人犯規時,佢地永遠不在場,當你自己揸車,偶然想話偷雞一次嘅時候,督導員就即時出現,將你捉到正!靠佢地督導交通, 難啲咯。


校巴 巴牌 牌有 有價 左丁 丁山
PermaLink: https://articles.zkiz.com/?id=22459

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019