|
||||||
|
年初五、年初六本欄寫「搶奶粉」與「學童小巴安全」，引來讀者電郵。讀者K云搶奶粉一文與「王迪詩」（專欄作家）之一篇文章有異曲同工之妙，左丁山冇睇過，不敢置評。另外讀者李話左丁山「表錯情」，香港製造奶粉肯定冇銷路，因為： 「首先，大陸人買的奶粉是外國奶粉，如美國、瑞士、澳洲、新西蘭等，大陸人就是相信這些白人國家所生產的奶粉會吃得他們的兒女肥肥白白，而他們更相信除了白種人的奶粉外，是沒有更好的選擇的了，所以香港藥房賣得的都是白人製造的奶粉，日本人製造的好像沒人買的。 另 外，香港要是成了奶粉生產港又如何？牛奶哪裏來？為了運輸成本問題，不又是大陸嗎？大陸人賣你香港原材料時加入一碗仔咁多『三聚氰氨』又如何？你香港人會 不收貨嗎？因此對於大陸人來說『香港製造』有何吸引力？香港政府若真的聽從先生建議，肯定『吔蕉』，給美國奶粉廠家笑爆嘴，人貴自知嘛！信譽這回事不是可 以一天就賺得來的，信譽是要經年累積得來，香港人生產的藥已經出名醫死人，連藥都可以亂嚟！有冇人信你生產的奶粉會比外國白人生產的好呢？」 中 國人最相信白種人產品，當然係實情，唔係Prada點解話要嚟香港上市？但左丁山嘅提議係「請外商港商在工業邨設立大型奶粉廠」，有「請外商」三個字，今 天之暢銷奶粉如果由外商（白人）在港製造，話明全部原材料係「白種人」牛奶？怕得喇啩？外商來港起碼可以帶挈香港增加一啲工廠職位吖！
今 天猶講白種人優越性，為之心淡，香港特區政府搞國情教育，唔知駛唔駛搵白種人老師嚟教呢？或者要嘅，白種人國家嘅學童巴士在路上開得特別慢，充份保障學童 安全，但本港一啲學童巴士在路上竟會與清晨派送報紙嘅貨車鬥快，就真係嚇死人。勤力德來電話佢睇完年初六講學童小巴，甚有同感，佢啲夥計朝朝派報送報，爭 分奪秒，有其苦衷，但司機匯報俾佢聽，有時竟會被學童小巴爬頭！勤力德就有過一次一手經驗，佢覺得個學童小巴司機不顧學童安全，毫無道理，於是發力追趕， 過了小巴之後一望：見到一個學校招牌，於是打電話去嗰間學校投訴！勤力德叫左丁山下次再遇上同樣事情，不妨抄下學童小巴車牌及學校名稱，一於投訴俾學校 聽，希望可以阻止到學童小巴司機開車太快。係可以咁嘅，不過早上左丁山在的士內眼皮下垂，好難注意到路上車輛車牌嘅啫。 |
||||||