📖 ZKIZ Archives

新一浪財富效應 老狐狸

這一篇文章應該早在一星期前面世了，但小弟近期各樣project纏身，每到假期，懶惰貪吃的老狐貍不是賴床，就是在最近一個星期過了大海考察業務 (有留意小弟專頁的朋友應該知道)，吃過了佳景集團 703.HK 轄下的澳門四季火煱，也到過了銀河酒店親身感受了其中場業務，享受了一個昂貴的假期。

先講一講資金流向，常常有人問我點解呢隻股票會升，老狐貍都係答買的人多過沽的人咪升咯，說穿了就是有錢湧入來買野力量大過沽的。如大家有留意報章新聞，歐洲有銀行正式向散戶實施負利率政策，向存戶收取費用，令市民蜂搶保險箱存放實物資產，若我作為一個存戶，那不如作投資，而香港股市早前的估值為全球最低之一，不難想像會令資金湧入。而正正是在港滙轉強多天，有資金流入中港股市後，香港股市創出年內高位，直至執筆日大市在連升四天後才首次回調，期間恆指曾挑戰了23,800點的年內高位，而在美國非農業職位遜於預期情況下，市場對美國於九月加息的預期下降，刺激了近日兩個新盤Grand Yoho 同啓德一號賣個滿堂紅，二手盤亦創出年內高位。若大家看看近期國內的樓宇買賣亦火紅，今天有報導指上海樓宇庫存量可於四個多月後售光。

雖說今個股票升浪只集中在大型股如騰訊、滙控和大型中資銀行等，而小型股仍然未成氣候，但在大型股和樓市向好下，老狐貍深信新一浪的財富效應將會形成，早兩天國內的汽車銷售數字好過預期，令汽車板塊全線造好，有可能正正係呢d先富起來的人帶動的數字。

如果你問我個市會點，其實老狐貍一早已講過牛市已在不知不覺間誕生了，到最近才有各方股評人相信，但我預期下一浪或許是大型股要先整固一下，到股仔發力了，畢竟很多莊家今年都未發市，早已餓過飢了，點都會趁好市就黎一轉，反正很多散戶仍然未落疊，小股又未算郁，有一定值搏率。

至於咩板塊會好呢？不如你話番俾我知上一浪打柴後邊個行業死左呢？咁呢個板塊就係最有值搏率咯。 對了，我相信很多人都會話係高級消費股，好似賣車、賣名錶等等，既然車都郁左咯，今次老狐貍就睇一睇一隻鐘錶股。

Sincerewatch HK (444.HK)  (9月7日收市價: $0.213)

睇完呢個圖，大家都會嘩左一聲出黎，原來係2015年4月份，即係1年多前，佢既高位係2.95，而今日收市都只係$0.213，現價只係當日的7.22% ，真係平爆。

如果你想知佢既業務，我就唔多講，大家可以睇番佢D資料，至於業績，在過去一年生意又差，租金又貴的情況下，當然係蝕咯，截至2016年3月全年蝕1.4億元，亦係預計之內。

咁呢隻股有乜賣點？咁就要睇番佢大股東同之前的批股行動了：

配售：

2015年3月，公司以$0.61 配售6.92億股，以後就炒過上$2.95，當中宣佈了朱太入股。
2015年9月，朱太向嘉實基金出售29%股權，每股份$0.53，現朱太牌面持有11.86%，及後股價急回至最低 $0.195
2016年8月，公司以$0.2售8.3億股，承配人身份未知。

財務狀況：

NAV: $0.265
公司總資產：16.78億
公司資產現金及銀行結存 (未計其他資產)： 5.22億
公司總負債： 5.79億

可以說公司可以零負債。

總結：

此公司在每次配股後均有炒作行動，而嘉實基金就俾人搵左笨X，以$0.53接左貨，係咁意上番去都有1.5倍回報，相反其52周低位只係$0.213，好抵搏。

呢個板塊已經跌到阿媽都唔認得，係咁意炒下高級消費品復甦真係不得了，唯一擔心係佢用時間去磨滅我鬥誌者。至於睇幾多，我一向都唔識睇，只知可以有機會big tea rice 咯。

(老狐貍已持有少量上述股份，以上分析只為老狐貍投資手記的自我紀錄，不應被視作投資建議遊說，股票價格可升可跌，甚至全無價值，請向投資顧問查詢。)

如大家有興趣，歡迎大家加老狐貍的FANPAGE交流下啦。
https://www.facebook.com/oldfoxfanclub

老狐貍